پشككێشانا كۆپا ئیراقێ بۆ دهۆكێ دەلیڤەیە و بۆ زاخۆ ئاگرینە
ئەڤرۆ
دوهی ل بارەگایێ ئێكەتیا تەپا پێی یا ئیراقێ پشككێشانا قۆناغا 32ێ یا كۆپا ئیراقێ ب بەرهەڤبوونا نوونەرێن یانەیێن پشكدار ژ وانا یێن كوردستانێ ئەوا بڕیارە هەڤڕكیێن وێ ب شێوەیێ كەتنا ئێكجاركی ل حەفت و هەشتێ ئادارا بهێت دەستپێبكەن و سەركەفتی ئێكسەر دەربازنە قۆناغا 16ێ و ئەوا بڤی شێویێ هاتیە دیاركرن.
تیما یانەیا دهۆك دێ بەرانبەری یانەیا ئەلقاسم بیت ئەوا دێ ل یاریگەها كەربەلا هێتە كرن یاریا وێ دەلیڤەكا باشە بۆ ئەلهۆیێن چیا كو بشێت دەربازبیتە قۆناغا 16ێ ژ كۆپا، ژلایەكێ دووڤە تیما زاخۆ د یاریەكا ئاگرین دا دێ یانەیا زەورا مێڤان كەت، كوڕێن خابووری بەرانبەری ئاستەنگا بهێز دایە و دێ بزاڤێ كەت مفایی ژ ئەرد و جەماوەرێ خوە وەربگریت، یانەیا هەولێر دێ بیتە مێڤانا سەماوە، ژلایێ خوەڤە ل یاریگەها شەهید فرانسۆ حەریری یانەیا نەوروز دێ مێڤانداریا یانەیا نەفت میسان كەت.
ژ یاریێن دی، شورتە- مەسافی ئەلجنوب، تەلەبە- دیوانیە، نەفت وەسەت- حەیفا، نەجەف- ئەمانەت بەغدا، رومادی- ئەلبەحری، كەربەلا- سیناعە، نەفت بەسرا- عفك، شرقات- غاز ئەلشیمال، كەرخ- كارەبا، حدوود- حوێجە، مەسافی- نەفت، ئەلحور- جەویە.
