دهۆك و هەولێر د دێربییێ ئاگرین دا
ئەڤرۆ
بڕیارە ئەڤرۆ چار یاری ژ چارچووڤەیێ قۆناغا 16 یا كۆپا كوردستانێ یا تەپا پێی بهێنە ئەنجامدان، یانەیا دهۆك وەكو ئێكانە نوونەرا پارێزگەهێ د قارەمانیێ دا مایە پشتی یانەیێن زاخۆ، ئاكرێ، باتیفا، تەناهی و شێلادز د قۆناغا 32ێ دا خوسارەتبووین.
تیما یانەیا دهۆك ئەوا شیایی دەربازبیتە ڤێ قۆناغێ پشتی ب سەركەفتی ل سەر یانەیا برایەتی ب لێدانێن پەنەلتیا پێنچ ب سێ گۆلان پشتی یاری ب دو گۆلان وەكهەڤی ب دووماهی هات بووی، ژلایێ خوەڤە یانەیا هەولێر سەركەفتن ل سەر یانەیا تەناهی ئینابوو ب دو گۆلێن پاقژ، یاریا ئەڤرۆ دێ بوو راهێنەرێ نوو یێ دهۆك عەلی وەحیدەدین تاقیكرنا ئێكێ یا بهێز بیت، پشتی ل حەفتیا بۆری راهێنەرێ بەری وی ئاشتی موستەفا دەست ژ كاركێشانا خوە راگەهاندی، كاودانێن یانەیا پارێزگەهێ دخولێ دا باش نینن ئەوا نوكە ب14 خالان رێزا 15ێ و دووماهیێ دهێت دێ بزاڤێ كەت د ناڤ ئەرد و جەماوەرێ خوە دا سەركەفتنێ بینت و هیڤیێن گەشتن بۆ قۆناغێن دووماهیێ و دەستڤە ئینانا ناسناڤێ كۆپا كوردستانێ، لێ یانەیا هەولێر ژی دبیت پاریەكێ ب سانەهی نەبیت ئەوا شەڕی ل خولا پلا ئێك دا دكەت پێخەمەت ڤەگەڕیان بۆ نایابا كوردستانێ.
ژ یاریێن دی، هندرین- چارقۆرنە، سیروانی نوو- هەلۆ، سنۆر- قەلادز، سوبەهی دووشەمبی، رەواندۆز- شەقلاوە، چەمچەمال- دەربەندیخان، رۆژا سێ شەمبی، كۆیە- ئارارات، سۆران- پێشمەرگەیا هەولێر، بۆ زانین هەموو یاری دەمژمێر2:30 پشتی نیڤرۆ هێنە ئەنجامدان.
