ئەحمەد سەبری: زاخۆ بهێز یا ڤەدگەڕیتە رێزێن پێشیێ
ئەڤرۆ
د دیدارەكێ دا ستێرێ یانەیا زاخۆ ئەحمەد سەبری خوسارەتیا یاریا بۆری یا تیما وان د خولا پلا نایابا ئیراقێ یا تەپا پێی دا ل گەل جەویە ب ئاسایی دانا و رژدیا كارگێریێ و تیمێ بۆ ڤەگەڕاندنا بهێز بەر ب رێزێن پێشیێ نیشان دا.
زێدەتر ناڤهاتی بۆ رۆژناما ئەڤرۆ گۆت: سەرباری خوسارەتیا تیما مە د یاریا بۆری دا ل گەل جەویە ئێك ژ تیمێن بهێزە و د نوكە دا سەرێ لیستێ دهێت، لێ ژ دەستدانا سێ خالان ژی بتنێ دو خەلەتی پەیدابوون هەردو گۆل ل سەر تیمێ هاتنە تۆماركرن، لێ ب گشتی ئاستێ تیما مە یاری بەر باشتر دچیت و رێزبەندیا مە د دەمەكی دا ل 18ێ بووین د نوكە دا رێزا 13ێ دهێن ئەڤچەندە ژی بەلگەیە راهێنەرێ تیمێ حەیدەر عەبدولئەمیر شیایە دەستێ خوە بدانیە ل سەر ئەوان كێماسی و خەلەتیان ب هەڤكاریا كارگێریا یانێ و ژبەركو نیڤا تیمێ هاتیە گوهۆڕین ئەز پێشبینی دكەم بۆ قۆناغا دویێ یا خولا ئیراقێ زاخۆ دێ بهێزتر ڤەگەڕیتە رێزێن پێشیێ و ئەڤە ئارمانجا مەیە و كارگێریا یانێ و دێ پشتەڤانی و گڤاشتنێن جەماوەرێ دلسۆز یێ یانێ بیت.
ژلایەكێ دووڤە ئەحمەد سەبری بۆ یاریێن بهێت سۆزدایە كو ب هەموو شیانێن خوە ئاست و تەكتیك كار بكەت تایبەت تۆماركرنا گۆلان و گۆت: یاریا دگەل جەویە سەرباری خوسارەتیێ جەماوەرێ زاخۆ بەردەوام پشتەڤان بووینە و ئەڤە نیشانێن ڤیانەكا بهێزە یا جەماوەری بۆ یانێ و سۆزێ ددەم بۆ یاریێن بهێت ب هەموو شیانێن خوە دگەل هەڤالێن خوە گۆلان تۆماربكەین و زاخۆ ب هێزتر ڤەگەڕیت.
