دادڤانێن پارێزگەهێ داخوازیەك هەیە
ئەڤرۆ
كۆمەكا دادڤانێن پارێزگەها دهۆكێ داخوازیەك ژ ئێكەتیا تەپا پێی یا پارێزگەهێ دكەن كو دووڤچوونا بابەتێن وان بهێنە كرن و خوە ل ئاریشەیێن وان بكەنە خودان و دبینن كەمتەرخەمی دهێتە كرن.
ئێك ژ دادڤانێن باژێرێ دهۆكێ كو نەڤیایی ناڤێ خوە دیاركەت بۆ رۆژناما ئەڤرۆ گۆت: ئەڤە بۆ ماوەیێ چەندین سالە ئێكەتیێن كوردستانێ و ئیراقێ ب دروستی باوەریێ ب دادڤانێن پارێزگەهێ نادەن و یاریێن خولێن پلا ئێك و نایاب ژی بۆ كۆمەكا دادڤانان ب شێوەیێ دادی ناهێتە بەلاڤكرن، سەرباری چەندین جاران مە داخواز ژ لژنەیێن دادڤانان یێن هەردو ئێكەتیان كرینە ئەگەرێن ڤێ غەدرێ بوو مە دیاركەن لێ چو دیار ناكەن، هندەك ژ مە ژ هەژی بڕێڤەبرنا یاریانە د خولێن پلا نایاب و ئێك یێن ئیراقێ و كوردستانێ دا لێ هەتا جارەكێ ژ برێڤە دبیەن زێدەتری دو هەیڤ بۆ دچن، مە لژنەیا دادڤانان ل پارێزگەهێ یا هەیی لێ ئەو ژی نەشیاینە چو بكەن.
ژلایەكێ دووڤە دادڤانەكێ دی ئەڤچەندە ژی دۆپاتكر و گۆت: هیڤییا مە ئەوە ژ ئێكەتیا تەپا پێی یا پارێزگەها دهۆكێ دووڤچوونا بابەتێ مە بكەن و ئەم دبینن كەمتەرخەمی یا هەیی و گۆت: هەردەمێ ئەڤ بابەتە د هاتە گۆتن زێدەتر ئەم پشتگۆه دهاتینە هاڤێتن لێ ژبەركو مافێ مەیە و داخوازێ دكەین ئەڤ ئاریشە چارەسەربیت.
