بارزانی و بزاڤا رزگاريخوازا كوردى 1975 – 1990
مەسعوود بارزانی
پشكا دوازدێ
داستانا خواكوڕكی
141
ئێخسیرێن رژێمێ:
هەژمارەكا مەزن ب ئێخسیری كەفتنە دەستێ پێشمەرگەیێن مە ژ سەرباز و پلەداران كو ناڤێن پلەداران ئەڤە بوون:
1- ملازمێ دویێ حافز جاسم حەمادی، ئامر فەسیل ل سریا ئێك یا فەوجا ئێك یا مغاویران، فرقا سیهـ و سێ.
2- ملازمێ دویێ رەمح محەمەد فەتحی، ئامر فەسیل ل هەمان سریە.
3- ملازمێ دویێ سامر عەببوود وەحید، ئامر فەسیل ل هەمان یەكە.
4- ملازمێ دویێ محەمەد ناجی، ئامر فەسیل ل فەوجا سێ/ لیوایا دو یا مغاویران.
5- ملازمێ دویێ عەبدولخالق حەمموود، ژ فەوجا سێ یا لیوایا شێست و هەشت یا هێزا تایبەت.
ئێخستنا چەند هێلیكۆپتەران و زیانگەهاندن ب چەند دانەیەكێن دی.
چار؛ دەستكەفت:
دەستكەفتێن هێزێن مە ب ڤی شێوەیێ خارێ بوون:
زێدەتر ژ چارسەد پارچێن چەكێن سڤك و ناڤنجی.
سیهـ و پێنج ئار بی جی.
هەژدە ئامیرێن بێتەلێ.
هەژمارەكا مەزن ژی ژ كەلوپەلێن سەربازی و دەمامك (ماسك)ێن دژی كێمیایی.
پێنج: زیانێن هێزێن مە:
د خەبات و بەرخۆدانا پێشمەرگەیێن مەیێن قەهرەمان دا هەمبەری هێرشێن درندانە یێن رژێمێ و بكارئینانا هەموو جۆرێن چەكی و ئالاڤێن شەركەر یێن بەردەست، بیست و نەهـ پێشمەرگەیێن قەهرەمان گیانێن خوە بۆ ئاخا وەلاتی و سەركەفتنان بەخشی و سەد و چار پێشمەرگە ژی بریندار بوون، كو پشكەكا وان بریندارێن چەكێ كێمیایی بوون. ئەڤ پێشمەرگەیێن خۆراگر و قەهرەمان ژی گەهشتنە كاروانێ نەمران:
1- حەمید شیڤی، ژ هێزا ئاوارە، رۆژا 21ی تیرمەها 1988ێ شەهید بوو.
2- ئەحمەد تاها ئیسماعیل وەرمێلی ژ لقێ ئێك، رۆژا 27ی تیرمەها 1988ێ شەهید بوو.
3- فەتاح عوسمان ئەرگۆشی ژ رێكخراوا موسەكا، رۆژا 27ی تیرمەها 1988ێ شەهید بوو.
4- ئیبراهیم زاهر پێندرۆیی ژ رێكخراوا موسەكا، رۆژا 27ی تیرمەها 1988ێ شەهید بوو.
5- مام عەلی ژ حزبا شیوعی یا ئیراقێ، رۆژا 27ی تیرمەها 1988ێ شەهید بوو.
6- جەمال محەمەد ئەمین ژ رێكخراوا كارۆخ، رۆژا 27ی تیرمەها 1988ێ شەهید بوو.
7- محەمەد چاوشین ژ رێكخراوا كارۆخ، رۆژا 12ی تەباخا 1988ێ شەهید بوو.
8- قادر سەعید مستەفا ژ لقێ سێ، رۆژا 19ی تەباخا 1988ێ شەهید بوو.
9- بابەرەسوول شێخ سالح ژ لقێ چار، رۆژا 19ی تەباخا 1988ێ شەهید بوو.
10- عەبدولخالق ئەحمەد سەعید ژ ئێكەتییا قوتابییان و لاوێن دیمۆكراتا كوردستانێ، رۆژا 19ی تەباخا 1988ێ شەهید بوو.
11- حەسەن خدر ئاكرەیی ژ هێزا ئاوارە، رۆژا 24ی تەباخا 1988ێ شەهید بوو.
12- نەزیر محەمەد تاهر ژ هێزا ئاوارە، رۆژا 27ی تەباخا 1988ێ شەهید بوو.
13- مەلا بەحری شوكری مەجید ژ ئێكەتییا زانایێن ئایینێ ئیسلامێ ل كوردستانێ، رۆژا 27ی تەباخا 1988ێ شەهید بوو.
14- وەلی حاجی عارف ژ لقێ چار، رۆژا 28ی تەباخا 1988ێ شەهید بوو.
15- رەحمان مەجید ژ لقێ چار، رۆژا 28ی تەباخا 1988ێ شەهید بوو.
16- حازم محەمەد شلی ژ رێكخراوا چارچەل، رۆژا 28ی تەباخا 1988ێ شەهید بوو.
17- جەوهەر عەلی شلی ژ رێكخراوا چارچەل، رۆژا 28ی تەباخا 1988ێ شەهید بوو.
18- ئیسماعیل یاسین حامد ژ رێكخراوا چارچەل، رۆژا 28ی تەباخا 1988ێ شەهید بوو.
19- عەبدوللا حاجی ستوونی ژ رێكخراوا چارچەل، رۆژا 28ی تەباخا 1988ێ شەهید بوو.
20- ئەسعەد چیچۆ یەحیا دری ژ رێكخراوا چارچەل، رۆژا 28ی تەباخا 1988ێ شەهید بوو.
21- كەیفی ئەحمەد برادۆستی ژ لقێ چار، رۆژا 30ی تەباخا 1988ێ شەهید بوو.
22- عارف حارس چوچانی، ژ لژنا ناوچا پێنجوین، رۆژا 3ی ئیلۆنا 1988ێ شەهید بوو.
23- عەلی سەلیم باجلۆری، ب. تۆپخانا شۆرەشێ، رۆژا 4ی ئیلۆنا 1988ێ شەهید بوو.
24- زۆراب غازی ئەرگۆشی، ب. رێكخراوا موسەكا، رۆژا 4ی ئیلۆنا 1988ێ شەهید بوو.
25- حەمەخان ئەمین ژ لقێ چار، رۆژا 4ی ئیلۆنا 1988ێ شەهید بوو.
26- فەرەیدوون عەبدوللا ژ لقێ چار، رۆژا 4ی ئیلۆنا 1988ێ شەهید بوو.
27- ئەحمەد محەمەد ئەحمەد ژ تۆپخانا شۆرەشێ، رۆژا 4ی ئیلۆنا 1988ێ شەهید بوو.
28- چاوشین خانۆ، بەرپرسێ رێكخراوا پیران، رۆژا 5ی ئیلۆنا 1988ێ شەهید بوو.
29- جەبار عوسمان مەردان ژ لقێ سێ، رۆژا 5ی ئیلۆنا 1988ێ شەهید بوو.
د داستنا دیرۆكی یا خواكوڕكی دا زێدەتر ژ چارسەد و چار پێشمەرگەیێن قەهرەمان و خەباتكار بریندار بوون.
مرۆڤێن خەباتكار و خودان بیروباوەرێن نشتیمانی و ب هێز هەردەم ل دەمێن تایبەت و هەستیار و رەوشێن دژوار دا دەردكەڤن و هەلوەستی نیشا ددەن، ئێك ژ وان خەباتكارێن مەزن برایێ شەهید قادر سەعید بوو، دەمێ قادر سەعیدێ برایێ وی شەهید دبیت، تەرمێ وی دگەهینیتە دوماهیا هێلا شەڕی و رادەستی هەڤالێن خوە دكەت و دبێژیتێ: هەتا ڤێرێ برایێ من بوو، لێ ژ ڤێرێ و وێڤە برایێ هەوەیە، لەزێ بكەن فیشەكان بدەنە من دا بگەهینمە دەستێ برایێن خوە ل سەنگەرێن پێشییێ یێن شەڕی، هەلوەستەكە هەتا هەتایێ ژ بیرا من ناچیت و دێ ب زیندی د بیروەریێن من دا مینیت.
د داستنا دیرۆكی یا خواكوركی دا هەڤالان د. رۆژ نووری شاوەیس، فازل میرانی، د. جەرجیس حەسەن، ملازم عەلی، ملازم بابەكر، حەمید ئەفەندی، سەید سالح، قادر قادر، نەسرەددین عابد، ملازم یونس رۆژبەیانی، ئازاد قەرەداغی، دكتۆر سەعید ئەحمەد نادر، عومەر عوسمان و موقەدەم یەعقووب مل ب ملێ پێشمەرگەیان د هێرش و چالاكیێن دژی هێزێن سەركوتكەرێن بەعسییان پشكداری دكر و رۆلەكێ بەرچاڤ د سەرپەرشتیكرنا بەرۆكێن شەری و تۆمارا سەركەفتنان دا گێرا.
ل دوماهییا داستانا دیرۆكی و سەرفرازی یا خواكوركی، وەكو سوپاسی و رێزگرتن ل قەهرەمانی، ئازایەتی، چاڤنەترسی و وێرەكیا پێشمەرگەی، من گۆتارەك پێشكێش كر و ئەڤە دەقێ وێ یە:
پێشمەرگەیێن قەهرەمان
پشتی ب دوماهی هاتنا شەرێ ئیراقێ و ئیرانێ، رژێمێ هەموو گرانییا خوە ئێخستە سەر كوردستانێ و هێزێن پێشمەرگەی، ئارمانجا سەرەكی یا رژێمێ دەست ب سەرداگرتن و كۆنترۆلكرنا رێكا سەرەكی یا هاتنوچوونا لقێ ئێك بوو د گەل سەركردایەتیێ و دەڤەرێن دی، بۆ وێ ئێكێ لقێ ئێك ب تەمامی ڤەقەتینیت و رێكا هاتنوچوونێ ل بەرسینگێ وان نەمینیت، لەورا گەلەك ب چڕی دەست ب تۆپبارانا دەڤەرێ كر، پاشی ب تۆپخانێ، دەڤەر كرە پارچەیەكا ئاگری كو ژ ئەگەرێ وێ رەوشەكا نەلبار و نەخۆش دروست بوو، پێشمەرگە نەچار بوو ب مەرەما رزگاركرن و دەربازكرنێ د هانا وەلاتییان بچن كو ل دەڤەرێ ئاسێ ببوونن، لەورا مە ژی هەموو شیانێن خوە پێخەمەت شكاندنا پیلانا بەعسییان تەرخان كر.
ب پشتراستی ڤە شەڕێ مە چو پەیوەندیەك ب شەڕێ ئیراقێ و ئیرانێ ڤە نەبوویە و نینە، ژ بەر كو شەڕێ مە ب تنێ ژ بەر وان گۆرانكاریان بوو كو ل ئیرانێ و ئیراقێ رووداین. رەوشا رژێمێ د وی پەرێ لاوازیێ دا بوو، ب شێوەكی كو هێزێن وێ ژ بەرپرسایەتیێ رەڤین و بەرپرسایەتی دئێخستە سەر ملێ ئالیەكێ دی. بۆ وێ ئێكێ خوە ژ بەرپرسایەتیێ و بەرۆكێن شەڕی ڤەدزن، بەرتیل و فەند و فێل د ناڤ هێزێن رژێمێ یا بەرچاڤ و بەربەلاڤ ببوو.
ژ روویێ سیاسی ڤە هەیمەنە و هەیبەتا بەعس شكەست كو بۆ مە ژ هەموو تشتەكی گرنگترە، بۆ هەموو دونیایێ ژی هاتە سەلماندن كو پارتی خودان بڕیارا خوەیا سەربخوەیە.
هەر مللەتەكێ دونیایێ بیننە جهێ وێ رەوشا پێشمەرگە تێدا و هەمبەری هێزەكا وەكو هێزا بەعس، نەك بۆ دەهـ رۆژان، خو بۆ دەمێ دو رۆژان ژی بەرگری پێ ناهێتە كرن وەكو یا هەوە كری، لەورا سوپاسیا هەوە دكەین و سوپاسیا هەموو برادەرێن دی ژی دكەین ژ رێكخراوان، ژ هێزێن دی، هێزا ئاوارە و هەموو پێشمەرگەیێن قەهرەمان.
