رۆنالدۆ بۆ دادگەهێ هاتە گازیكرن
ئەڤرۆ
داواكارێ گشتی ل وەلاتێ ئیتالیا چەند كەس گازیكرنە بۆ دادگەهێ پێخەمەت دیاركرنا دوسەیا دەستكاری كرن ب گرێبەستێن یاریزانانێن یانەیا یۆڤانتۆس و ژوانا ستێرێ پۆرتۆگالی و یانەیا نەسر یا سعۆدیێ كریستیانۆ رۆنالدۆ ل گەل دایە.
ل دووڤ راپۆرتا تۆرا تۆتۆ مێركاتۆ یا ئیتالی كو كریستیانۆ رۆنالدۆ دێ ل دادگەها ئیتالیا بەرهەڤ بیت پشتی بەلگەنامەكا نهێنی یا تایبەت ب مووچە و پاداشتێن وی ڤە هاتیە دیتن تێدا ئیمزایا رێڤەبەرێ تیمێ فابیۆ باراتچی و ئەو بەلگەنامە ئیمزایا رۆنالدۆیی تێدا نینە و ل سەر هاتیە دیاركرن 19 ملیۆن یۆرۆ یێن هاتینە مەزاختن، ئەڤە بەلگەیە كو بەری نوكە رۆنالدۆیی دیاركر ئەوی شایستەیێن خوە كو دگەنە 28 ملیۆن یۆرۆیان وەرنەگریە لێ یۆڤانتۆسێ بتنێ نەه ملیۆن یۆرۆ دیاركرن، ئەڤچەندە بوویە ئەگەر داواكارێ گشتی دووڤچوونێ بكەت پشتی رۆنالدویی بریكارێ خوە راسپاردی.
كریستیانۆ رۆنالدو 134 یاری بۆ یۆڤانتۆس كرینە و 101 گۆل تۆماركرینە گرێبەستا وێ ژ 2018 هەتا ناڤەراستا سالا 2022ێ بوو.
