پێنچ یانەیێن پارێزگەهێ دێ هەلبژارتنان ئەنجامدەن
ئەڤرۆ
د داخویانیەكێ دا رێڤەبەرێ وەرزشی ل پارێزگەها دهۆكێ دیار كر بڕیار هاتیە دان ئەو یانەیێن هەلبژارتن ئەنجام نەداین د ڤێ هەیڤێ دا هەموو بكەن و هەر ڤێ حەفتیێ دێ پێرابوون هێنە كرن.
زێدەتر سەفەر جەعفەر بۆ رۆژناما ئەڤرۆ گۆت: پشتی دامەزراندنا پێنچ یانەیێن پارێزگەهێ و كاراكرنا هندەك ژ وان ئەو ژی، باتیفا، شێلادزێ، پیرس، تەناهی و بجێل بڕیار هاتیە دان هەلبژارتنێن دەستەكا كارگێریێن یانەیان بهێنە كرن ژبۆ بشێوەیێ فەرمی بۆ چار سالێن بهێت كارێ خوە بكەن پشتی گەهشتیە دەمێ خوە یێ یاسایی، لەوما ل گەل نوونەرێن هەر پێنچ یانەیان كۆمبووین ژبۆ گەنگەشێ ل سەر بابەتێ هەلبژارتنان و دانانا دەمەكێ بۆ ژڤانێ دەستپێكرنا وێ، هەروەسان داخواز ژ وان هاتیە كرن زووترین دەم دا دەستەكا گشتی یا فەرمی بوو مە بهێتە هنارتن ژبۆ ستاپیلكرنا وێ ل دەڤ مە و رێڤەبەریا گشتی یا وەرزشی ل هەرێما كوردستانێ بەری دانانا ژڤانێ هەلبژارتنان.
هەروەسان ناڤهاتی دیار كر دێ هەموو بزاڤان كەن ب هەماهنگی ل گەل یانەیان د ماوێ هەیڤا ئادارێ و بەری هاتنا رەمەزانا پیروز هەلبژارتن بهێنە كرن و گۆت: ئەو یانەیێن نەبوونا دەستەكا گشتی هەیی یان گەلەك كێم وەكو یانەیا پیرس دێ رێكار جودا هەبن ژبۆ هەلبژارتنان ب شێوەیەكی كو ئەو ژی باوەرپێكری بن و ب دورستی كارێ خوە بكەن.
