سیزار سلێمان: مە غەدرە ل چو یاریزان و راهێنەران نە كریە
ئەڤرۆ
د داخویانیەكێ دا ئەندامێ ئێكەتیا باسكێت بۆلا پارێزگەها دهۆكێ رەدكر ئەوان غەدر ل یاریزان یان راهێنەرەكی ل سنۆرێ پارێزگەهێ و ئیدارا سەربەخوەیا زاخۆ كربیت، ئەڤ گۆتنە هاتن پشتی دەنگۆیێ نەرازیبوونێ ل سەر پێكئینانا تیما هەلبژارتیێ پارێزگەهێ ل سەر ئاستێ لاوان ب كادرێ راهێنانێ ژ یانەیا دهۆكێ و پشكداری د قارەمانیا ئیراقێ دا كری ئەوا هەڤڕكیێن وێ ل باژێرێ بەغدا ب پشكداریا 17 هەلبژارتیان هاتیە ئەنجامدان، تێدا هەلبژارتیێ پارێزگەهێ سەركەفتنەك و دو خوسارەتی ئیناین و دەستڤالا ڤەگەڕیاین.
زێدەتر سیزار سلێمانی گۆت: هەلبژارتیێ پارێزگەها دهۆكێ هاتە پێكئینان پشتی نڤێسارێن فەرمی بۆ یانەیا زاخۆ و چەند یاریزانێن خودان شیان د ناڤ تیما بنگەهێ وەرزش و لاوان هاتیە هنارتن، یێن زاخۆ داخوازا لێبۆرینی كر ژبەركو گڕێدایی ب خولا ئیراقێ یێ لاوان بوون، دیسان ئەو یاریزانێن تیما بنگەهێ لاوان ژی سەمیانێن وان ژبەر خواندنێ نەهێلان پشكداربن، وەكو دی كادرێ راهێنانێ ل دووڤ هزر و بووچوونا ئێكەتیا پارێزگەهێ بوویە و چو غەرد ل یاریزان یان راهێنەران ناهێتە كرن، بەرۆڤاژی مە پێنگاڤێن باش هاڤێتنە پێخەمەت دروستكرنا تیمەكا بهێز و ناڤێ پارێزگەهێ بیت و ئارمانجا مە پشكداریەكا سەركەفتی و پشتبەستن ب گەنجێن پارێزگەها خوە.
ژلایەكێ دووڤە ناڤهاتی گۆت: پشكداریا هەلبژارتیێ مە یا سەركەفتی بوو سەرباری ئەنجامێن لاواز ژبەركو جارا ئێكێ یە تیمەكا لاوان بهێتە دورستكرن و پشكداریێ بكەن و دناڤ قارەمانیێ دا پەسنا وان هاتیە كرن، هەروەسان ئێكەتیا باسكێت بۆلا پارێزگەهێ ل دووڤ پلانا خوە پشتەڤانیێ دێ ل یاریزانێن گەنج یێن تازەپێگەهشتی و لاوان كەت ژبۆ دانانا بنیاتەكێ بهێز ل پارێزگەهێ و ئەم جوداهیێ دناڤبەرا چو یانە و تیمان ناكەین و دێ بەردەوام پشتەڤانبین.
