زاخۆییەك بوو ئێكەمێ ئیراقێ
ئەڤرۆ
زاخۆ، عەلی حاجی:
د داخویانیەكێ دا راهێنەرێ یاریا تایكۆاندۆیێ سەلام عەلی بۆ رۆژناما ئەڤرۆ دیار كر كوڕێ باژێرێ زاخۆ و یاریزانێ یانەیا شورتە هارون عەبدوللا شیا پلا ئێكێ ل سەر ئاستێ ئیراقێ ب دەستڤە بینیت.
زێدەتر ناڤهاتی گۆت: ل سەر ئاستێ كێشا 63كگم هارۆن عەبدوللا شیا ناسناڤێ قارەمانیا ئیراقێ بۆ یاریا تایكۆاندۆیێ ل سەر ئاستێ لاوان دا ب دەستڤە بینت، د هەڤڕكیێن واندا ئەوا ل باژێرێ بەسرا بۆ ماوەیێ سێ رۆژان هاتیە كرن كو رێزبەندیا وی یا ئێكێ بوو ئەگەر یانەیا وی شورتە یا بەغدایی ناسناڤێ قارەمانیێ ب دەستڤە بینت.
هەروەسان سەلام عەلی گۆت: قارەمانی د ئاستەكێ باش دا بوو و هارون عەبدوللا ژ رویێ ئاستی ڤە گەلەك یێ باش بوو و باوەرییەكا مەزن ژی ب خوە هەبوو كو دێ شێت پلا ئێكێ ب دەستخوە ڤە بینیت و سال بۆ سالێ ئاستێ وی ژی باشتر لێ دهێت و ئەڤچەندە وەسا دیار دكەت كو وی یاریزانی پاشەرۆژەكا باش هەیە.
