دهۆك دێ بزاڤێن دەربازبوونێ كەت
ئەڤرۆ
دهێتە چاڤەڕێ كرن ل25ێ ڤێ هەیڤێ تیما تەپا پێی یا یانەیا دهۆك ل یاریگەها كەربەلا ببیتە مێڤانا یانەیا ئەلقاسم ژ چارچووڤێ قۆناغا 32ێ یا كۆپا ئیراقێ ب مۆرال و زاخا بلند یا خولێ گەشبینە دەربازبوونا خوە بۆ قۆناغا 16ێ مسۆگەر كەت.
كاودانێن تیما دهۆكێ د خولا ئیراقێ دا دباشن ئەوا نوكە ب35 خالان رێزا شەشێ دهێت، بەرانبەری وێ یانەیا ئەلقاسم 21 خالان رێزا 16ێ دهێت، لێ دیاریا حەفتیا بۆری دا ژ خولێ شیایە سەركەفتنەكا گرنگ و دیرۆكی ل سەر یانەیا جەویە بینت ب چار گۆلان بەرانبەر سێ گۆلان كو ئەڤ سەركەفتنە دێ بیتە پالدەر بۆ یاریا كۆپا دگەل یانەیا دهۆك.
ل دۆر دووماهی بەرهەڤیێن تیما دهۆكێ راهێنەر سلێمان رەمەزان بۆ رۆژناما ئەڤرۆ گۆت: پێنەڤێت بۆ هەر یاریەكێ ئەم بەردەوام بەرهەڤیان دكەین و پلان و شێوازێن تەكتیكی هەنە، دبیت پێكهاتیێ تیمێ بۆ ڤێ یاریێ وەكو یێ خول نەبیت تایبەت دێ زێدەتر دەلیڤێ دەینە چەند یاریزانێن خوە، لێ ئەڤە رامانا وێ نا دەت كو ئەم گرنگیێ ب كۆپا نا دەین، بەلكو هیڤییا مە ئەوە بشێن ب گەهینە یاریا دووماهیێ بۆ دەستڤە ئینانا ناسناڤی، هەموو یاریزانێن مە جهێ باوەریێ نە و هەردەمێ پێدڤی ژی ئەم دێ گوهۆڕینان كەین.
بۆ زانین د هەمان قۆناغ دا یانەیا زاخۆ دناڤ یاریگەها خوە دا ب گۆلەكێ بێ بەرانبەر دگەل زەورا تووشی خوسارەتیێ بوو، نەوروز دگەل نەفت میسان ب2-1 خوسارەت بوو، هەولێر ب لێدانێن پەنەلتیان 6-5 گۆلان دگەل سەماوە سەركەفتن ئینا پشتی ب گۆلەكێ وەكهەڤبووین.
