چار لاوێن زاخۆ بۆ هەلبژارتیێ ئیراقێ هاتنە داخوازكرن
ئەڤرۆ
زاخۆ، عەلی حاجی:
ئێكەتیا باسكێت بۆلا ئیراقێ ب شێوەیێ دۆ قۆناغ 30 یاریزان بۆ كەمپێ راهێنانێ یێ هەلبژارتیێ لاوان داخوازكرینە ژ وانا چار یاریزانێن یانەیا زاخۆ نە ئەوا ژلایێ راهێنەر ماهر خەنفیر ڤە هاتینە دەستنیشانكرن خوە بەرهەڤكرن بۆ قارەمانیێن داهاتی یێن عەرەبی و رۆژئاڤا ئاسیا.
د داخویانیەكێ دا جۆتیار عەلی هاریكارێ راهێنەرێ یانەیا زاخۆ بۆ رۆژناما ئەڤرۆ گۆت: پشتی ئەوێ ئاستێ بلند یێ كۆمەكا یاریزانێن مە د خولا پلا نایابا ئیراقێ دا ل سەر ئاستێ لاوان و شیان رێزا دویێ بهێن ب فەرمی چار یاریزانێن زاخۆ بۆ ناڤر ێزێن هەلبژارتیێ ئیراقێ هاتینە داخوازكرن وەكو قۆناغا ئێكێ یا بەرهەڤیان و ژێگرتنا باشترینێن وان كو 30 یاریزان ل سەر ئاستێ ئیراقێ نە، ئەو یاریزانێن مە ژی زنار هشیار، ئەحمەد حسێن، ئامەد ئدریس و سالح فارس، ل دووڤ سیستەمێ ژێگرتنێ بتنێ زنار هشیار وەكو یاریزان د ناڤ پێكهاتیێ ئیراقێ داه اتیە مسۆگەر كر و یێن مایی دێ كەڤنە لبن تاقیكرنان دا و گەشبینم هەرسێ یاریزانێن دی ژی جهێ خوە دناڤ پێكهاتی دا پارێزن.
هەروەسان ناڤهاتی گۆت : ئەو دێ بەردەوام پشتەڤانیێ ل یاریزانێن زاخۆ كەن و د دەما پەیوەندیێ ب كەمپا راهێنانان ژی بكەن ئەو دێ دگەل یاریزانێن خوە بن و ناهێلنە بتنێ بن چ هەتا كو دگەهنە هەلبژارتیێن ئێكێ ژی ژبەر كو مێژوویە بۆ یانەیا زاخۆ یاریزانێن وان د ناڤ هەلبژارتیان دا بن .
