جەرجیس رەشید: شانازیێ پێ دبەم ب ناڤێ كوردستانێ و دهۆكێ چوویمە د پەرتۆكا گێنس دا
ئەڤرۆ
د كۆنگرەیەكێ رۆژنامەڤان دا وەرزشڤانێ كورد و پارێزگەها دهۆكێ جەرجیس رەشید دو باوەرنامەیێن تایبەت یێن پەرۆتۆكا گێنس تۆماركرین بۆ دەزگەهێن راگەهاندنێ دا دیاركرن كو دبیتە جارا دویێ ل دووڤ ئێك هەر ژ سالا 2017ێ شیایە ب تۆماركرنا ریكۆردێ زوورترین هژمارا شناوان ل سەر ئاستێ جیهانێ بشكێنیت و بناڤێ هەرێما كوردستانێ و پارێزگەها دهۆكێ ناڤێ خوە د پەرتۆكا گێنێس دا تۆماركر.
د ئاخڤتنا خوە دا جەرجیس رەشید گۆت: پێخوەشحالم وەكو گەنجەكێ كورد بناڤێ هەرێما كوردستانێ و دهۆكێ ریكۆردا جیهانی یا هژمارا شناوان بشكێنم و شانازایە بوو من و ئەڤ ریكۆردە نە بتنێ بناڤێ منە بەلكو كوردستانێ و پارێزگەها دهۆكێ یە، پێنەڤێت ئەڤ دەستكەفتە ب سانەهی نەهاتیە شكاندن ژبەركو چەند رێنما و خالێن زەحمەت هەبوون لێ پشتی ماندیبوونەكا مەزن شیابم ب گەهمە ئەوێ ئارمانجێ كو بوو جارا ئێكێ یە ناڤێ كوردستانێ و پارێزگەهێ بچیتە د پەرتۆما گێنس دا.
هەروەسا ناڤهاتی گۆت: ل سالا 2020 من ریكۆرد شاندبوو لێ پشتی سێ سالان ئەڤرۆ ژ نوو من باوەرنامەیێن پەرتۆكا گێنێس وەرگرتن ، هەروەسان بەری وێ ل 2017ێ شیابووم ب ئەنجامدانا دو هزار و 502 شناوا د ئێك دەمژمێر دا ریكۆردی بشكێنم و 20كگم قۆرس ل سەر پشتا من بوون، هەروەسان 54 شناو ل سەر پشتا دەستی و ئێك دەست و 20كگم ل سەر پشتا من بوو د ئێك خولەك دا و دیسان 50شناو ل سەر تبلێن دەستان و 30كگم ل سەر پشتا من بوون د ئێك خولەك دا.
ل دووماهیێ جرجیس رەشید گۆت: بۆ داهاتی ئەز دێ بەردەوامبن ل سەر ئاستێ گەلەك جۆرێن دی یێن وەرزشی و شكاندنا ریكۆردا و سەر ئاستێ پارێزگەهێن هەرێمێ و ئیراقێ و هەتا دگەهیتە جیهانێ و هیڤییا من ئەوە گەنجێ مە ژی باوەریێ بدەتە خوە و ئەز پشتەڤانم بۆ هەر یاریزانەكێ حەزا شكاندنا ریكۆردا هەبیت.
