ئەڤرۆ شەڕێ تۆلڤەكرنێ دێ دێربیێ ئیتالیا شارینیت
ئەڤرۆ
بڕیارا ئەڤرۆ ل دەمژمێر 11شەڤ دێربیێ ئاگرین و چاڤەڕێ كرن ب دروشمێ تۆلڤەكرن و دەستڤە ئینانا پلێتا دەربازبوونێ بۆ یاریا دووماهیا كۆپا ئیتالیا ب شارینیت ئەوا دێ دناڤبەرا هەردو یانەیێن یۆڤانتۆس و ئەنتەر میلان ل یاریگەها سان سیرۆ ژ چارچووڤێ یاریا ئێكێ یا قۆناغا پێش دووماهیێ هێتە ئەنجامدن.
خودانێن ئەردی یانەیا یۆڤانتۆس ئەوا د وەرزێ ئەڤ سالە دا شیایی دو جاران سەركەفتنێ ل سەر ئەنتەر بینت و گەشبینە ئەڤ شەڤە بەردەوامیێ بدەتە سەركەفتنان و پێنگاڤەكا باش بۆ پلێتا خولا ئۆرۆپا ژی ب دەستڤە بین، هەرچەندە هەردو یانەیان هیڤیێن ناسناڤێ خولا ئیتالیا نەماینە لەوما دێ شەڕی بۆ كۆپایێ كەن و دێ بزاڤێ كەن سەركەفتنێ ب دەستخوەڤە بینن بەری یاریا دویێ یا ئێكلاكەر ئەوا دێ ل 26ێ ڤێ هەیڤێ ل یاریگەها ئەنتەر هێتە كرن، هەردو یانە 64 جاران بەرانبەر ئێك بووینە، 29 سەركەفتن بۆ یۆڤانتۆس، 13 یێن ئەنتەر و 22 وەكهەڤی بووینە.
