ل بن كۆمەكا ئاریشەیان دهۆك دێ بیتە مێڤانا ئارارات
ئەڤرۆ
دهێتە چاڤەڕێ كرن ئەڤرۆ ل دەمژمێر سێیێ ئێڤاری تیما تەپا پێی یا یانەیا دهۆك ل باژێرێ پیرمام یا هەولێرا پایتەخت ببیتە مێڤانا یانەیا ئارارات ژ چارچووڤێ قۆناغا هەشتێ یا كۆپا كوردستانێ د یاریەكا ڤەبڕ دا دەربازبوون بۆ قۆناغا پێش دووماهیێ.
تیما دهۆكێ ئەوا ل بن كۆمەكا ئاریشەیێن دارایی و گەڤێن بایكۆتكرنا یاریزان دێ بزاڤێ كەت خوە ژ ئاستەنگا ئارارات دەرباز بكەت، سەرباری باش دازنیت خودانێن ئەردی ئێك ژ تیمێن بهێزە د ناڤ خولێ دا ئەوا شەڕی بۆ ناسناڤێ وەرزێ ئەڤ سالە دكەت و شیاینە سەرێ لیستێ بهێت ب42 خالان، بەرانبەری وێ تیما پارێزگەهێ د لاوازترین ئاست و شیانێن خوە دایە تایبەتی پشتی ئاریشەیێن ڤێ دووماهیێ سەرهلدایی كو ئەڤە بۆ سێ هەیڤە مووچەیێن یاریزانان نە هاتینە دان بوویە ئەگەر نێزیكی حەفت ژ وان یاریزانان بایكۆتا راهێنانان كربوو و دوور نینە ژبەر گەڤێن یاریزان تیما دهۆكێ خوە ژ خولێ ڤەكێشیت، هەروەسان رێزبەندیا وێ د خولێ دا یا د مەترسیا داكەفتنێ دا كو بتنێ 19 خال كۆمكرینە و رێزا 15ێ و دووماهیێ دهێت.
ژ یاریێن دی یێن قۆناغا هەشتێ، شەقلاوە – هندرین، پێشمەرگەیا هەولێر – سیرۆانی نوو، دەربەندیخان – قەلادز.
