د كۆپا ئیراقێ دا ئەركێن دهۆك و هەولێر ب زەحمەتن
قەیس وەیس:
دوهی ل بارەگایێ ئێكەتیا تەپا پێی یا ئیراقێ ل باژێرێ بەغدا پشككێشانا قۆناغا 16ێ یا قارەمانیا كۆپا ئیراقێ هاتە كرن ئەوا هەردو یانەیێن دهۆك و هەولێر وەكو نوونەرێن هەرێما كوردستانێ دێ دناڤ یاریكەهێن خوە دا هەڤڕكێن خوە مێڤان كەن كو بڕیار یاریێن وان پشتی گەڕا 23ێ یا خولا ئیراقێ ئانكو ل 23 و 24ێ ڤێ هەیڤێ ب شێوێ ئێك یاری بهێنە ئەنجامدان.
یانەیا دهۆك دێ ل یاریگەها خوە مێڤانداریا یانەیا تەلەبە یا بەغدایی كەت، ئەڤ یاریە دبیتە یا سێیێ هەردو تیم بەرانبەر ئێك بووینە د كۆپا ئیراقێ دا، هەردو یاریێن بۆری ل وەرزێ 2002ێ بوون ژ قۆناغا ئێكێ یێن هاتن و چوونێ بوون، د یاریا ئێكێ دا دهۆك ب گۆلەكێ سەركەفت بوو لێ یاریا دویێ ئەوا ل بەغدا هاتیە كرن3-1 تەلەبە سەركەفتن ئینابوو، ژلایێ خوەڤە یانەیا هەولێر دێ نەفت ئەلوەسەت مێڤان كەت، ژ یاریێن دی یێن قۆناغا 16 دا، جەویە و شورتە بهێزترین یاریێن ڤێ قۆناغێ د یاریگەها شەعب دا كەن، نەفتا بەسرا دێ بیتە مێڤانا زەورا، ئەمانەت بەغدا- كەرخ، حدوود- شرقات، بەحری – مەسافی.
بۆ زانین تیما دهۆكێ هەشت جاران پشكداری كۆپا كریە ئەوا زوورترین ناسناڤ یێن یانەیا زەورا بووین پێنچ جاران، ئەڤ قارەمانیە ل وەرزێ 1992-1993ێ دەستپێكربوو.
