موراد عەلی: بزاڤێ دكەم ببمە یاریزانێ سەرەكی دگەل هەلبژارتیێ ئیراقێ
زاخۆ، عەلی حاجی:
د دیدارەكێ دا موراد عەلی یاریزانێ تیما باسكێت بۆلا زاخۆ و هەلبژارتیێ ئیراقێ بۆ رۆژناما ئەڤرۆ دیار كر ئەوی دڤێت وەكو برایێ خوە جەگەری دیرۆكەكا زێرین دگەل یانەیا خوە توماربكەت و باوەری هەیە ژی دناڤ پێكهاتیێ ئیراقێ دا ببیتە یاریزانەكێ سەرەكی .
زێدەتر ناڤهاتی گۆت: من مفایەكێ باش ژ سەربۆرا برایێ خوە و كاپتنێ تیما مە جەگەر عەلی وەرگرتیە هەر دیسان راهێنەر جوتیار عەلی و راهێنەرێ نوكە یێ تیمێ و من دڤێت دیرۆكا برایێ خوە دگەل یانەیا زاخۆ دوبارە بكەم، وەكو یاریزانێ هەلبژارتیێ ئیراقێ مە لێ هەتا نوكە من گەلەك یاری ئەنجام نەداینە و پرانیا یاریان دا یاریزانێ یەدەك بوویمە، من باوەرییەكا تەمام ب شیانێن خوە هەیە كو دێ د پاشەروژێ دا جهەكێ سەرەكی دناڤ پێكهاتەیێ ئیراقێ دا بینم و راهێنەرێ نوكە ژی باوەرییەكا باش ب شیانێن من هەیە دگەل بورینا دەمی ژی ئەز مفایی ژ سەربۆر و شیانێن یاریزانێن دگەل هەلبژارتی دا دبینم.
ناڤبری گۆت ژی: دگەل بۆرینا ئاستێ من گەلەك باشتر دبیت و بەردەوام ژی ئەز كار دكەم ژ بۆ باشتر كرنا شیانێن خوە ژبەر كو من ئارمانجێن باش هەنە و هێشتا ژیێ من دێ وێ رێكێ دەتە من زێدەتر كار بكەم ژ بۆ ب دەست ڤە ئینانا ئارمانجێن خوە .
