عومەر سالح: من داخوازا یانا قاسم رەتكریە
ئەڤرۆ
هەرهین محەمەد:
دا خویانیەكێ دا عومەر سالح، یاریزانێ یانەیا زاخۆ بۆ ئەڤرۆ دیار كر ل هەموو وەلاتێن جیهانی گرنگیێ ب وەرزشێ دەن، ل پارێزگەها دهۆكێ ژی ب باشی گرنگیێ پێ دەن و من گەلەك مفا ژی ژ یاریا تەپاپێی دیتیە و گەلەك یاریزان هەنە وەرزش بوویە پیشە و ژیانا خوە پێ دەرباس دكەن، لێ ئەڤ چەندە ژی ل سەر یاریزانی دمینت و هەتا رادەكێ باش ژی من ناما خوە ب تەپاپێی گەهاندیە و من یاری بۆ گەلەك یانەیان كریە و یانەیا قاسم یا خولا نایابا ئیراقێ داخاز ژ من كریە و من داخازا وان رەتكریە ژبەر چەند ئەگەران.
ناڤهاتی زێدەتر ژی گۆت: چ جوداهی دناڤبەرا یانەیا زاخۆ و دهۆك دا نینە و برایێن ئێكن و هەر تشتەكێ مە ڤیای مە داخازكری بۆ مە ب جه ئینایە و یانەیا زاخۆ خودان جەماوەرەكێ مەزنە و حەزدكەم پتر خوە ب وەستینن ژبۆ بدەستڤە ئینانا دەستكەفتیان و هەروەسان بۆ خولا ئیراقێ مە گەلەك بەرهەڤێن خوە كرینە و بۆ هەر یاریەكێ ئارمانجا سەركەفتنێ دكەین ژبەركو هەر یاریەك بۆ مە گرنگە.
