پیرس عەلی: خولا توركیا پێنگاڤەكا دی یە بۆ پێشكەفتنا ئاستێ من
ئەڤرۆ
كوڕێ باژێرێ دهۆكێ و یاریزانێ هەلبژارتیێ ئیراقێ بۆ یاریا تەپا مێزێ پیرس عەلی چوونا خوە بۆ یانەیا ئالتایی یا باژێرێ ئەزمیرێ ب بەردەوامیا پلانێن خوە یێ پێشكەفتنا ئاست و شیانان دا دیار كر و هیڤی خواست بشێت د خولا توركیایێ دا دەستكەفتەكی ب دەستڤە بینت.
زێدەتر ناڤهاتی بۆ رۆژناما ئەڤرۆ گۆت: ل سەر راسپاردا راهێنەرێ من یێ هەلبژارتیێ ئیراقێ یێ ئیرانی محەمەد سەمەد ئابادی یانەیا ئالتایی یا توركی حەز هەبوو گرێبەستێ دگەل من ئیمزاكەت وەكو یاریزانێ وان بۆ خولا پلا ئێكا وەلاتێ توركیا، سەرباری ئەوان داخواز دكر بۆ ماوەیێ زێدەتر سێ سالان لێ من بتنێ بۆ شەش هەیڤان ئیمزاكر وەكو پێنگاڤا ئێكێ و پلان بۆ زێدەتر پێشئێخستنا ئاست و شیانێن خوە و بڕیارە ل دووماهیا ڤێ هەیڤێ دگەل یانەیا خوە بەر ب پایتەختێ توركیا ئستەنبۆل برێكەڤین بۆ ئەنجامدانا قۆناغا ئێكێ یا خولا پلا ئێك، لەوما من بەرهەڤیێن خوە ل دووڤ بەرنامەكێ تایبەت دژوارتر لێكرینە ژبۆ باشترین شێوە بەرهەڤم.
ل دووماهیێ پیرس عەلی گۆت: وەكو یاریزانەكێ پارێزگەهێ و هەرێما كوردستانێ پێخوەشحالم بۆ یانەكا كوردی ل باكۆرێ كوردستانێ بكەم، د شیان دا بیت دێ جوانترین ئاست نیشان دەم و دیاركەم ل كوردستانێ مە یاریزانێن بەهرەمەند و خودان شیان هەنە.
