بۆ مۆندیالا جیهانی شەش یاریزانێن كورد دگەل لاوێن ئیراقێ نە
ئەڤرۆ
پشككێشانا كۆپا جیهانی مۆندیالا لاوان بۆ ژیێ ل بن 20 سالی دا تیما هەلبژارتیێ ئیراقێ یا تەپا پێی ئێخستە د كۆمەكا بهێز و ئاگرین دا ئەوا بڕیارە قارەمانی ل20ێ ئەیارا بهێت هەڤڕكیێن وێ ل وەلاتێ ئەرجەنتین بهێتە ئەنجامدان.
كۆما ئیراقێ پێكهاتینە ژ ئنگلتەرا، ئۆرۆگوایی و تۆنس ئەوا 24 هەلبژارتی دێ پشكداریێ كەن، راهێنەرێ هەلبژارتیێ ئیراقێ عیماد محەمەد شەش یاریزانێن كورد و ڕەڤەندا كوردی ل ئۆرۆپا بۆ پێكهاتیێ تیما خوە داخواز كربوون و پشكداری كەمپە و یاریێن خوە بەرهەڤكرنێ بوون ئەو ژی، عومران زەكی گۆلپارێزێ یانەیا زاخۆ، عەبدولقادر ئەیوب و موستەفا قابیل هێرشبەرێن یانەیا هەولێر، ئیسماعیل ئەحمەد یاریزانێ یانەیا نەورۆز، هەردو یاریزانێن رەڤەندا كورد ل ئۆرۆپا رۆمان دۆلاشی یاریزانێ یانەیا شالكە یا ئەلمانی و یوسف ئەمین یاریزانێ یانەیا فینۆرد یا هۆلەندی.
