ئەرێ ئەڤرۆ دێ ناسناڤێ خولا ئیتالیا ئێكلا بیت؟
ئەڤرۆ
تیما تەپا پێی یا یانەیا ناپۆلی بەرانبەر پێنگاڤا دووماهیێ یا دەستڤە ئینانا ناسناڤێ وەرزێ ئەڤ سالە یێ خولا ئیتالیا ب مەرجەكی هەڤڕكا وێ لاتسیۆ سەركەفتنێ تۆمار نەكەت.
بڕیارە ئەڤرۆ ناپۆلی دەمژمێر چارێ ئێڤاری ل یاریگەها خوە مێڤانداریا یانەیا سالیرنیتاتا ژ چارچووڤێ گەڕا 32ێ بكەت، ناپۆلی د نوكە دا 78 خال كۆمكرینە و سەرێ لیستێ دهێت و 17 خالان دووركەفتیە ژ نێزكترین هەڤڕكا خوە یا رێزا دویێ یانەیا لاتسیۆ ئەوا 61 خال كۆمكرین و ئەڤرۆ دەمژمێر ئێك و نیڤێ نیڤرۆ دێ بیتە مێڤانا یانەیا ئەنتەر میلان ئەوا رێزا شەشێ دهێت ب54 خالان و بزاڤێ كەت بۆ سەركەفتنێ پێخەمەت رێزێن پێشیێ وپشكداری بۆ چامپیۆنزێ، بتنێ حەفت یاری ژ خولێ ماینە و ناپۆلی پێدڤی ب پێنچ خالان هەیە بێ سەحكرن بۆ ئەنجامێن دی ژبۆ مسۆگەركرنا خولا ئیتالیا.
