جاسم شەعبان: ناهێلین ڤۆلی بۆلا دهۆكێ بێ خودان بمینت
ئەڤرۆ
شاهو فەرید:
د داخویانیەكێ دا جاسم شەعبان سەروكێ یانەیا تەناهی بۆ رۆژنامائەڤرۆ دیاركر ئەوان بەردەوام پشتەڤانیا یاریا ڤۆلی بۆلێ كریە و چەند یاریزان و راهێنەر بناڤێ یانێ پشكداری خولا ئیراقێ كرینە لێ ژبەركو شیانێن دارایی سنۆرداربوو ینە بتنێ چار ملیۆن دینارن تێرا مەزاختی و مووچەیێن وان نەكریە.
هەروەسان ناڤهاتی گۆت: ئەڤە بۆ ماوەیێ 14 سالبوو ئەڤ یاریە پووتە پێنەهاتە دان، پێخوەشحالین مە خوە لێكریە خودان و چەندین جاران پشكداری هەبووینە لێ ژبەر نەبوونا بارەگایەكی و هۆلا راهێنانان یاریزانێن مە نەچاربووینە بۆ یانەیێن دی یێن پارێزگەهێ بكەن، بۆ وەرزێ ئەڤ سالە مە هەمی بزاڤكرن ڤۆلی بۆلا پارێزگەهێ نە راوەستیێت سەرباری ئاستەنگێن دارایی مە بریاردا پشكداری خولا ئیراقێ بكەین و شیان دەربازبینە قۆناغا دویێ یا هەڤڕكیان.
هەروەسان جاسم شەعبان گۆت: رژدین ڤۆلی بۆلا پارێزگەهێ بەر ب پێشڤە بچیت و ناهێلین بێ خۆدان بمینت و سۆپاسیا كارگێریا پارێزگەهێ دكەین بۆ قۆناغا ئێكێ هاریكاریا تیمێ كری لێ بۆ پلا ئێك یا ئیراقێ وەكو تاكە نوونەرا پارێزگەهێ ئەم پێدڤی ب 10 ملیۆن دیناراینە ژبۆ پشكداریەكا سەركەفتی و ئەم چاڤەڕێ نە و گەشبینن دێ پشتەڤانی هەبیت و هەكە چو رێك نەبن مە كارگێریێ سۆزدایە هەكە پارا ژ مالێن خوە بینن ناهێلین جارەكادی ڤۆلی بۆلا دهۆكێ بمنیتە بێ خودان.
