پێنج یاریزان بەرانبەر ڤەگەڕاندنا مێسی نە
ئەڤرۆ
رۆژناما مۆندو دیبۆرتیڤۆ یا ئسپانی دیار كر یانەیا بەرشەلۆنا د بزاڤا خوە یا دووماهیێ دا ژبۆ ڤەگەڕاندنا ستێرێ خوە یێ بەری و یانەیا پاریس سانجێرمانا فرەنسی لیۆنێل مێسی پێنچ یاریزانێن خوە بۆ فرۆتنێ دەستنیشانكرینە.
د راپۆرتا رۆژنامێ دا هاتیە كو هەر ئێك ژ فرانك كێسی، ئێریك گاریسیا، فیران تۆرێس، ماركۆ ئالۆنسۆ و راڤینا دەستنیشانكرینە ژبۆ فرۆتنێ پێخەمەت ئەو مووچەیێ وان دگەل گرێبەستێ بشێن ڤەگەڕاندنا ستێرێ خوە یێ بەری لیۆنێل مێسی ب شێوەكێ یاسایی ل دووڤ رێنمایێن دەستەكا گشتی یا خولا ئسپانیا ئەوا تایبەت ب كێمكرنا مەزاختیێن مووچەیێن یاریزانان.
هەمان رۆژنامێ دیار كر مەرەما سەرەكی یا ڤەگەڕاندنا مێسی ئەوە كو بەرشەلۆنا چاڤ ل داهاتەكێ مەزن بیت و دووبارە گەنجینا یانێ پر بیت، لێ ئاریشەیا بەرشەلۆنا ژلایێ یانەیێن سعۆدیێ وەكو هیلال و ئیتحاد سەرهلدایە كو ئەوان كۆژمەیێ نیزیكی 200 ملیۆن یۆرۆ بۆ گرێبەستا وی بەرهەڤ كرینە و دبیت یانەیا ئەنتەر میامی یا ئەمریكی ژی هەمان كۆژمە بەرهەڤكر یە.
