شیرەتكارێ یاسایی: ئێدی كەس نەشێت دەست ل سەر مولكێ یانەیا دهۆك دا بگریت
د داخویانیەكێ دا شیرەتكارێ یاسایی ل یانەیا دهۆك دیار كر ئێدی كەس نەشێن دەست ل سەر مۆلكێ یانێ دا بگریت ب بۆهانا وەرگرتنا قەرێن خوە و ئەڤە بۆ ماوەیێ سالەكە چارەسەركرنا ئەوان سكالایێن دناڤ دادگەهێ دا دكەین.
زێدەتر زنار زوبێر بۆ رۆژناما ئەڤرۆ گۆت: ل سەرجەمێ 13 سكالایێن یاریزان و خودان شوقە وچەند كەسێن دی ل سەر یانەیا دهۆكێ ل دادگەهێن كوردستانێ و ئیراقێ د ناڤبەرا سالێن 2016 هەتا 2018 هاتبوونە تۆماركرن، وەكو پارێزەرێ یانێ بۆ ماوەیێ زێدەتری سالەكێ بوو من كار ل سەر دكر و شیایمە ئەوان سكالایا د بەرژوەندیا یانەیا دهۆكێ دا ئێكلابكەم هەروەسان ل دادگەها تێهەلچوونێ ژی شیایین بڕیارا دەست سەرداگرتنا مۆلكێ یانێ بهێتە هەلوەشاندن كو ئێدی چ كەس نەشێن دەست ل سەر مۆلكێ یانەیا دهۆكێ دا بگریت، ژبەركو یانە وەكو دەزگەهێ حكومی یە نابیت مۆلكێ وێ بهێتە ستاندن پێخەمەت وەرگرتنا قەران، لێ مافێ چ یاریزانان و لایەنان نا هێتە بەرزەكرن دێ بشێویێ یاسایی سەردەریی ژلایێ حوكمەتا هەرێما كوردستانێ و لایەنێن پەیوەندیدار ڤە هێتە كرن.
ژلایەكێ دووڤە ناڤهاتی دیار كر ئەو مولكێن بەری نوكە دادگەهێ بڕیارا دەست سەرداگرتی دایی و شیان ل سەر راكەن ئەو ژی پانزینخانەیا دهۆك سپۆرت و كومەلگەها پزیشكی و گۆت: چەندە كارگێریێن بۆری خەسماری د بابەتێ سكالایێن یاریزانان دا هەبوو، دووڤچوونا هندەك نڤێسارێن دادگەهێ و ئێكەتیا تەپا پێی یا ئیراقێ نە دكرن كو بۆ ئەگەر ئەڤ سكالایە یێن سالێن بۆری دا زێدەبن و هندەك ژی ب نەچاری هاتبوونە دان، هەرچەندە قەیرانا دارایی ژی بوو لێ خەمساری د سكالایان دا كارتیكرنا خوە ل سەر یانێ كربوو، پێخوەشحالین وەكو پارێزەرەك و شیرەتكارێ یانەیا دهۆك كارەكێ باش بكەین ژبۆ خزمەتا وەرزشا پارێزگەها دهۆكێ و یانەیێ.
