جاسم شەعبان: خوەڤەكێشانا نوونەرا پارێزگەهێ ژبەر ئەگەرێن دارایی نەبوو
ب، لاپەری:
د داخویانیەكێ دا سەرۆكێ یانەیا تەناهی ئەگەرێن خوەڤەكێشانا تیما خوە یا ڤۆلی بۆلێ د وەرزێ نوو یێ خولا پلا ئێكا ئیراقێ دوور دانا كو یێن دارایی بن بەلكو خەمساریا یاریزانان بۆ ئەگەر دو دلی بۆ كادرێ راهێنانێ پەیدابكەت بەری گەشتا باژێرێ بەغدا بكەن.
زێدەتر جاسم شەعبان تایبەت بۆ رۆژناما ئەڤرۆ گۆت: بەری پشكداریێ د ڤاڤارتنێن دەربازبوونێ بۆ خولا پلا ئێك بكەین كارگێریا یانێ رژد بوویە لایەنێ مەعنەوی و ماددی پشتەڤانیا تیما خوە یا ڤۆلی بۆلێ بكەت و سۆز هاتبوو دان هەكە پارە ژ مال بینن ناهێلین كاروانێ ڤۆلی بۆلێ ب راوەستیێت، د قۆناغا ڤاڤارتنان دا سەرباری ئاستەنگان مە تیمەك دروستكر و بەر ب میسل ڤە چووین و شیاین دەربازبینە پلا ئێك، دڤێ قۆناغێ دا ئەم بەردەوام بووین و رژد بووین كو باشترین شێوە تیما خوە بەرهەڤ بكەین و بەری پشكداری خولێ بن ئەوا دەستپێكا ڤێ حەفتیێ ل باژێرێ بەغدا هاتیە كرن، لێ مخابن ژ نشكەكێ ڤە هندەك روودان پەیدابوون ئەم نەچاركرین بڕیارا پشكداریێ نە كەین.
هەروەسان ناڤهاتی گۆت: ئێك ژ ئەگەرێن سەرەكی یێن نە پشكداریا مە ئەو دەمەكێ كێم و درەنگ ژلایێ ئێكەتیا ڤۆلی بۆلا ئیراقێ ڤە هاتینە ئاگەهداركرن بۆ دەستپێكرنا خولێ، لێ ئەم رژدیا مە بەردەوامبوو سەرباری ڤێ ئاریشێ هەتا شەڤا ئەینیا بۆری و مە دگەل كادرێ راهێنانێ ئاخفتبوو، ئەو پارەیێ پێدڤی دگەل ترۆمبێلا ڤەگۆهاستنێ بۆ پایتەختێ ئیراقێ بەغدا بەرهەڤكربوون، لێ چەند یاریزانان ب هێچەتێن جۆدا داخوازا لێبۆرینێ كرن ئەم نەچاركرین بڕیارا خوە ڤەكێشانێ بدەین، هەرچەوابیت ئەڤە رامانا وێ نا دەت كو مە دەست ژ ڤێ یاریێ بەردایە بەلكو دێ بەردەوام پشتەڤانێن یاریان بین ل دووڤ شیانێن خوە و پێخەمەت پێشكەفتنا وەرزشا پارێزگەهێ یە.
