بلند ئازاد ڤەگەڕیا هەلبژارتیێ ئیراقێ
قەیس وەیس:
راهێنەرێ هەلبژارتیێ ئیراقێ یێ لاوان عیماد محەمەد دۆبارە یاریزانێ ڕەڤەندا كورد و یانەیا گرافشاب یا هۆلەندی ڤەگەڕاندە ناڤ رێزێن تیما خوە یا تەپا پێی پشتی بەری سێ حەفتیان هاتبوو دوورئێخستن ئەوێن خوە بەرهەڤ دكەن بۆ مۆندیالا لاوان ل ژیێ بن 20 سالی دا ئەوا بڕیارە قارەمانی ل20ێ ڤێ هەیڤێ هەڤڕكیێن وێ ل وەلاتێ ئەرجەنتین بهێنە ئەنجامدان.
یاریزان بلند ئازاد خەلكێ پارێزگەها دهۆكێ یە ژ دایكبوویێ 2003ێ یە ل وەلاتێ هۆلەندا دژیت، بڤێ چەندێ هژمارا یاریزانێن كورد د ناڤ رێزێن هەلبژارتیێ ئیراقێ یێ لاوان گەهشتنە حەفت یاریزانێن كورد ئاكنجیێن هەرێما كوردستانێ و ڕەڤەندا كوردی ل ئۆرۆپا دگەل بلند ئازادی هەر ئێك ژ عومران زەكی گۆلپارێزێ یانەیا زاخۆ، عەبدولقادر ئەیوب و موستەفا قابیل هێرشبەرێن یانەیا هەولێر، ئیسماعیل ئەحمەد یاریزانێ یانەیا نەورۆز، هەردو یاریزانێن رەڤەندا كورد ل ئۆرۆپا رۆمان دۆلاشی یاریزانێ یانەیا شالكە یا ئەلمانی و یوسف ئەمین یاریزانێ یانەیا فینۆرد یا هۆلەندی.
بۆ زانین كۆما ئیراقێ پێكهاتینە ژ ئنگلتەرا، ئۆرۆگوایی و تۆنس ئەوا 24 هەلبژارتی دێ پشكداریێ كەن و دبیتە جارا سێیێ ئیراق پشكداری مۆندیالا جیهانی دبیت.
