كوڕ ڤەگەڕیانە كۆپیتكێ و كچان ژ دەستدا
ئەڤرۆ
ستێرێ ئسپانی و یاریزانێ یاریا تێنسا ئەردی كارلۆس ئەلكاراز دەربازبوو قۆناغا دویێ یا قارەمانیا خولا رۆما بۆ خودان پلەیێن ماستەرێ و ڤەگەڕیانا خوە بۆ كۆپیتكێ و رێزبەندیا جیهانی ب سەركەفتن دەستپێكری، پشتی ب ئەنجامێ دو كۆمان بێ بەرانبەر سەركەفتی ل سەر هەڤوەلاتیێ خوە ئەلبێرت رامۆس، د هەڤڕكیێن واندا ئەوا ل پایتەختێ ئیتالیا رۆما دهێنە كرن.
ژلایەكێ دووڤە ستێرێن كچ خودانێن رێزبەندیێن پێشیێ قارەمانیا رۆما ژ دەستدان، یاریزانا فرەنسی كارۆلین گارسیا پلەدارا چارێ یا جیهانێ دگەل یا كۆلۆمپی كامیلا ئۆسۆریۆن ب دو كۆمان بێ بەرانبەر خوسارەت بوو و گەهشتە قۆناغا هەشتێ، كارۆلین خودانا رێزبەندیا 100ێ یا جیهانێ یە، هەروەسان ئارینا سابالینگا خودانا رێزا دویێ دگەل یا ئۆكراینا ئانهینینا كالینینا خوسارەت بوو ئەوا رێزبەندیا 167ێ دهێت، یا تۆنسی ئەنەس جابر دگەل یا ئسپانی پاولا بادۆستا خوسارەت بوو ب دو كۆمان بێ بەرانبەر ئەوا ل رێزا 14دهێت، ئەنەس پلەداریا پێنجێ پاشڤەچوو یا حەفتێ.
