به‌ناڤ ئه‌حمه‌د: ئەم ژ هەمی ئاستەنگان دەرباز بووین
ئەڤرۆ
زاخۆ، عەلی حاجی:
د داخویانیەکێ دا راهێنەرێ تیما زاخۆ ئەوا پشکدار د خولا نایابا کوردستانێ یا تەپاپێی دا بۆ رۆژناما ئەڤرۆ دیار کر یا پێدڤی ل سەر وان د شەش یاریان دا ئەنجامدان و نێزیکی ئارمانجێ بوینە د خولێ دا.
زێدەتر بەناڤ ئەحمەد گۆت : پشتی من ئەرکێ راهێنەرایەتیا تیمێ وەرگرتی، تیم د سەروبەرەکێ زەحمەت دا بوو و رەوش یا ئالوز بوو، لێ من شیا کار ل سەر چەند خالا بکەم و رەوشا تیمێ باشتر لێ بکەم و دەستەیا کارگێریا یانێ و یاریزان هەمی هاریکاربوون کو بشێن ئەنجامێن باش ب دەستخوەڤە بینن ژ سەرجەمێ شەش یاریان دا شیاین چار سەرکەڤتنان و وەکهەڤیەکێ بینن ئەڤە ژی تێرا هندێ هەبوو70% تیمێ ژ داکەڤتنێ رزگار بیتن و نێزیکی ئارمانجا خوە بوینە، ئەم چاڤەرێ یاریا پاشکویێ خولێ بەرامبەر سلێمانیێ نه و دێ هەمی بەرهەڤیان كه‌ین کو بشێن مانا خوە د خولێ دا مسوگەر بکەین، ئەوا هاتیە کرن ژ ڤالاهیەکێ نەبوو بەلکو ب شێوەیەکێ باش و رێک و پێک مە کار کر و ئەو کێماسیێن دناڤ تیمێ ژی دا هەین مە شیا چارەسەر بکەین.
ناڤهاتی گۆت ژی : دەستەیا کارگێریا یانێ هاریکاربوون ژ بۆ هندێ ئەم هندەک یاریزانێن تیما خولا ئیراقێ ل تیمێ زێدە بکەین و ئەو پلانە هاتیە دارێشتن ١٠٠٪ مە جێبەجێکر و بجهـ ئینا، داخازێ ژ جەماوەرێ یانێ ژی دکەین زێدەتر هاریکار و پشتەڤان بن دگەل تیمێ دا.
