دەستهەلاتا دادوەری گەفێن دوورئێخستنا یۆڤانتۆسێ ژ چامپیۆنز لیگ كرن
ئەڤرۆ
هەرچەندە بەری ماوەكی دەستهەلاتا دادوەریا یا وەرزشی ل ئیتالیا بڕیار دابوو بۆ ماوەكێ بەروەخت ب كێمكرنا 15 خالا ل سەر خالێن یانەیا یۆڤانتۆس د خولا ئیتالیا دا، پێخەمەت ئەڤ یانە رۆنكرنێ و بەلگەیێن نوو پێشكێشی دادگەهێ بكەت ل سەر دوسەیا گەندەلییا دارایی.
دادگەها تێهەلچوونا فیدرالی سوبەهی چارشەمبی دووماهی ژڤان بۆ یۆڤانتۆس دانایە كو هەمی ئەوان بەلگەیێن خوە پێشكێش بكەت و تێدا دیاربكەت كارگێریا یانێ قازانج د چو داهاتیێ یانێ دا نەكریە و سەرپێچیا یاسایا دارایی ژی نەكریە، ژلایێ خوە بەرپرسێن یانەیا ئیتالی بەرهەڤیێن باش كرینە لێ دڤێت بەلگەیێن بەرعاقل هەبن هەكەر نە دێ بڕیارا چارەنڤیس هێتە دان كو ب نەه هەتا 15 خالان ب فەرمی دێ سەر خالێن وێ هێتە كێمكرن و سالا بهێت نەشێت پشكداریێ د چامپیۆنز لیگ دا بكەت.
لێ تیما پارێزەرێن یانەیا یۆڤانتۆس گەشبینییا خوە دیار كریە ئەو دێ ب سەركەڤن و هەكە بڕیارەكا بەرۆڤاژی هاتەدان ناهێلین ئەو سزایە بۆ وەرزێ ئەڤ سالە بیت بەلكو دێ بزاڤێ كەن بۆ وەرزێ بهێت بڕیار بهێتە بجهئینان.
