یانەیا بەردەرەش گەشبینە دەرباز بیتە پلا ئێكا كوردستانێ
ئەڤرۆ
رەمەزان زەکەریا:
د داخویانیەكێدا سكرتێرێ یانەیا بەردەڕەش یا وەرزشی ئاشكرا كر د ئێكەم یاریا خوە دا ل خولا پلە دو یا كوردستانێ یا تەپا پێی بەرامبەر یانەیا شێخان وەكهەڤبوو بریارە یاریا بهێت بەرامبەر یانەیا تەناهی بیت و دێ بزاڤێن سەركەفتنێ كەین و پێكهاتیێ تیمێ یا ب هێزە و ب هیڤینە دەربازبینە پلە ئێكا كوردستانێ.
زێدەتر زەهدی عەبدولقادر بۆ رۆژناما ئەڤرۆ گۆت: ئاریشەیا سەرەكیا كەڤتیە د ڕێكا یانەیا بەردەرەش دا نەبوونا پشتەڤانیا داراییە كو نوكە هەیڤانە ب تنێ هاریكاریا پارێزگارێ دهۆكێ یە دگەل كۆژمەكێ كێم یێ وەبەرهێنانا یانێ لێ ئەڤ چەندە نەشیانە ئاریشێن یانەیێ چارەسەر بكەن سەرەرای نەبوونا یاریگەهەكا پێشكەفتی، ئەم یێ هەڤركیێ دكەین بگەهین خولا پلە ئێكا كوردستانێ ئەنجامێ وەكهەڤێ یاریا بووری ژی ژ دەستدانا دەلیڤێن گولكرنێ بوون ژلایێ هێرشبەریێن یانەیا بەردەرەش ڤە.
ناڤهاتی گۆتژی: پشت گەرمییا وان گرێبەستێن هاتیە ئیمزاكرن ب هیڤینە بگەهینە خولا پلە ئێك دخوازین ئاریشا یاریگەها بەردەرەش لبەر چاڤ بهێتە وەرگرتن، ئەگەر رەوشا یانەیێ باشتر ببیت دێ یاریزانێن باشتر و راهێنەرێن باشتر ئینینە د ناڤ رێزێن تیمێ دا .
زەهدی عەبدولقادر خویاكر: ب هڤینە ب رژدی كار لسەر داخوازیێن یانەیا بەردەرەش بهێنە كرن بۆ وێ چەندێ پێگەهێ خوی ب هێز تر بگەین ل ناڤ وەرزشا كوردستانێ ب گشتی و پارێزگەها دهۆك ب تایبەتی.
