بڕیارا بۆنۆتچی جەماوەرێ ئیتالیا تۆڕەكریە
ئەڤرۆ
د بڕیارەكا نە چاڤەڕێ كری دا یاریزانێ ئیتالی و یانەیا یۆڤانتۆس لیۆناردۆ بۆنۆتچی ب دووماهی ئینانا كاروانێ خوە یێ تەپا پێی راگەهاند، ئەڤ بڕیارە بوویە جهێ نەرازیبوونا جەماوەرێ وەلاتێ وی و تۆرەبووینە.
د داخویانیەكا رۆژنامەڤانی دا بۆنۆتچی گۆت: من بڕیارا خوە دایە هەتا دووماهیا وەرزێ ئەڤ سالە ب ئێكچاری دووركەڤم، هەرچەندە بڕیارەكا بزەحمەتە لێ ژیێ من و ئەو كاودانێن من هەیی رێگرن بەردەوامبم، ب هیڤی مە چوونا من و هەڤالێن من كێلینی و ئەندرییا بارزالی نە بیتە ئەگەر هێلا بەرەڤانیا ئیتالیا هێزا خوە ژ دەست بدەت، مە گەلەك یاریزانێن گەنج هەنە شیانێن باش بەردەستن.
ژلایەكێ دووڤە د تۆرێن چڤاكی دا تۆرەبوونا جەماوەرێ ئیتالیا ب بڕیارەكا لەز دا دیاركرن و هیڤی خواست ژ بریارا خوە لێڤەبیت ژبەركو هێشتا دەم یێ مایی و پێدڤی ب شارەزاهیا وی نە.
بۆ زانین بۆنۆتچی دژیێ 36 سالی دایە 500 یاری ئەنجامداینە، دگەل هەلبژارتیێ ئیتالیا ل یۆرۆی 2020 ناسناڤ ب دەستخوەڤە ئینابوو.
