راهێنه‌رێ زاخۆ: مەحال مە کرە راستی
ئەڤرۆ
زاخۆ، عەلی حاجی:
راهێنەرێ تیما یانه‌یا زاخۆ ئەوا پشکدار د خولا نایابا کوردستانێ یا تەپا پێی دا بۆ رۆژناما ئەڤرۆ دیار کر مانا تیما وان د خولێ دا ژ هەژی ناڤێ مەزنێ زاخۆ بوو و وان کارەکێ سەرنچ راکێش ئەنجامدا.راهێنەرێ تیما یانه‌یا زاخۆ ئەوا پشکدار د خولا نایابا کوردستانێ یا تەپا پێی دا بۆ رۆژناما ئەڤرۆ دیار کر مانا تیما وان د خولێ دا ژ هەژی ناڤێ مەزنێ زاخۆ بوو و وان کارەکێ سەرنچ راکێش ئەنجامدا. زێدەتر بەناف ئەحمەد گۆت: د دەمەکێ دا من پۆستێ راهێنەرایەتیا یانه‌یا زاخۆ وەرگرت، تیم د رەوشەکا گەلەک خراب دابوو، لەوما هەر زوو من کار ل سەر باشترکرنا دەرونێ یاریزانان کر ژبەر کو دەمێ هندێ نەبوو بشێن تیمێ ئاڤا بکەین، ژ روویێ ئاستی و ئەنجامان تیم بەرەڤ قۆناغەکا گەلەک باش ڤە چوو لەوما ئارمانجا مە ئەو بوو کو تیمێ ژ داکەڤتنێ قورتال بکەین و د باوەریا چو کەسێ دا نەبوو ئەم بشێن تیمێ بەرەڤ ڤێ قۆناغا نوکە ڤە بەین، لێ ب پشتەڤانیا دەستەیا کارگێریا یانا زاخۆ و یاریزانان مە شیا تیمێ بەرەڤ پلەی ئوف ڤە ببینن و مە شیا کارەکێ سەرنچ راکێش بکەین و مانا تیمێ د خولا نایابا کوردستانێ دا مسوگەر بکەین، ئەو کارێ مە ئەنجام دایی ژ پلانا مە بوو و مە شیا ژی ١٠٠٪ جێبەجێ بکەین. ناڤبری گۆت ژی: من باوەری ب شیانێن خوە هەبوو کو دێ شێم ڤی ئەرکی جێبەجێ کەم و بۆ هەر ئەرکەکێ دیتر ژی یێ د ناڤ تیما زاخۆ دا ئامادەمە و پشتی مانا تیما مە د ناڤ خولێ دا ژ نوو من هەست ب ئارامیێ کر .
