ژبەر نەژادپەرستیێ ڤینیسیوس دێ خولا ئسپانیا بجهـ هێلیت
ئەڤرۆ
دەنگۆباسێن رۆژنامەڤانی ل وەلاتێ ئسپانی دیار كرینە ستێرێ بەرازیلی و یانەیا ریال مەدرید یا ئسپانی ڤێنێسیۆس جۆنیۆر حەزا خوە راگەهاندیە ئەو خوە ژ خولا ئسپانیا دووربێخیت وب جه بهێلیت و ئێدی بەردەوام نەبیت ژبەر ئەوان روودانێن نەژادپەرستیێ دژی وی دهێنە كرن تایبەت د یاریا شەڤا دەربازبوویی بەرانبەر ڤالێنسا ژلایێ جەماوەرێ وێ ڤە هاتیە كرن.
رۆژناما سكای سپۆرتس ئەڤ دەنگۆباسە دۆپاتكریە كو ڤێنێسیۆس گەلەك یێ بێ زاربوویی هەر ژ هاتنا وی بۆ ناڤ رێزێن یانەیا ریال مەدرید هەر یاریەكا ژ دەرڤەیی یاریگەها وێ دا ترسا وی ئەوە جەماوەرێ تیما مێڤاندار ب ئاخڤتن و وێنەیێن نەژادپەرستیێ دژی وی بلند دكەن، سەرباری چەندی جاران سكالا ژلایێ ریال مەدرید دژی ئەوان یانەیان هاتینە كرن لێ بڕیارێن توند نەبووینە، هەرچەندە ڤێنێسیۆسی دیاركر بوو كو ئەو هیچ رەنگەكی ریال مەدرید ناهێلیت ژبەر سەردەرەیا نە جوان ژلایێ هندەك جەماوەری دژی وی دهێتە كرن لێ ئەوا شەڤا دەربازبوویی هزرا وی گوهارتیە.
ژلایێ خوەڤە ئێكەتیێن تەپا پێی ل ئیتالیا و ئنگلتەرا و ئێكەتیا فیفایێ برۆسكەیێن نەرازیبوونێ ئاراستەیی ئێكەتیا تەپا پێی یا ئسپانی كریە و تێدا داخوازا دووڤچوونێ و راوەستاندنا ئەڤان روودانێن خراب ل سەر وەرزشێ و مروڤایەتێ كریە، هەروەسا فیفا بڕیار دایە دووڤچوونەكا هویر بكەت و رێكێن پاراستنا یاریزانان ب كاربینت.
