بڕیارێن توند دژی یاریزانێن زاخۆ و سیناعە هاتنە دەركرن
لژنەیا پێرابوونان و سزایان ل ئێكەتیا تەپا پێی یا ئیراقێ كۆمەكا بڕیاران دژی یاریزانێن هەردو یانەیێن زاخۆ و سیناعە دەركرن پشتی دووڤچوونا راپۆرتا سەرپەرشتێ یاریا وان كر ئەوا ل حەفتیا بۆری ژ چارچووڤێ خولا پلا نایاب ل سەر ئاستێ لاوان ل یاریگەها سیناعە باژێرێ بەغدا هاتیە كرن تێدا ئالوزی دناڤ یاریگەهێ دا پەیدابوویی.
لژنەیا پێرابوونێ پشتی دووڤچوونا پارچە ڤیدیۆیێن گەهشتنە بەردەستێ وان كری و پشت بەستن ل سەر راپۆرتا سەرپەرستێ یاریێ كو تێدا دیاربوویی شەڕ و ئالۆزی دناڤبەرا چەند یاریزانان یێن هەردو یانەیان ژ لایەكی و توندوتیژی دژی دادڤانێ یاریێ ژلایەكێ دووڤە پەیدابوویی، چەند بڕیار دژی یاریزانان بڤی رەنگی بوون دەركرن.
سزادانا یاریزانێ زاخۆ حسێن نەكتەل ب دوورئێخستنا وی بۆ وەرزێ ئەڤ سالە و هەر چالاكیەكا د وەرزێ 2022-2023ێ دا دهێتە كرن، سزادانا یاریزانێ زاخۆ محەمەد عەبد فاهیم بۆ چار یاریان هاتیە دوورئێخستن، دیسان سزادانا هەردو یاریزانێن یانەیا سیناعە موقتەدا زافر و موسا كازم بۆ چار یاریان بهێتە دووركرن، دیسان سزادانا جەماوەرێ یانەیا سیناعە بۆ چار یاریان بهێنە دووركرن ژ یاریگەهان.
