مۆراتایی ئۆفەرا 120 ملیۆن یۆرۆیێن یانەیەكا سعۆدیێ رەدكر
راپۆرتێن رۆژنامەڤانی ل ئۆرۆپا دیار كرینە ستێرێ ئسپانی و یانەیا ئەتلەتیكۆ مەدرید ئالڤارۆ مۆراتایی ئۆفەرا 120 ملیۆن یۆرۆیێن یانەیەكا سعۆدیێ رەدكر و رازیبوو مووچەیێ خوە دگەل یانەیا ئەتلەتیكۆ كێم بكەت ژبۆ نووكرنا گرێبەستا خوە.
رۆژنامەیا ریلیڤۆ یا ئسپانی گۆت: یانەیا شەباب یا سعۆدیێ ئۆفەرا 120 ملیۆن یۆرۆ پێشكێشی ستێرێ ئەتلەتیكۆ مەدرید ئالڤارۆ مۆراتایی كریە ژبۆ گرێدانا هەڤبەستا سێ وەرزان كو سالانە 40 ملیۆن یۆرۆ وەكو مووچە دگەل پاداشتێن یاریان و رێژەكا داهاتیێ فرۆتنا درێسێ وی بدەنێ، لێ ناڤهاتی ئەو ئۆڤەرە رەدكر سەرباری كۆژمەكێ مەزنە و بەرهەڤیا خوە دیاركر گرێبەستا یانەیا ئەتلەتیكۆ مەدرید نووكەت و داخوازا یانەیێ بجه بینت ب كێمكرنا مووچەیێ خوە، ئەڤ بڕیارە وەكو سەرنجركێشا هاتە دیتن ژبەركو یاریزانێ ناڤهاتی یێ 30 سالی یە و رەدكرنا گرێبەستێ دبیت پەشێمانێ دووڤدا بهێت.
