كرواتیا و ئسپانیا دێ شەڕی بۆ ناسناڤێ خولا نەتەوەیێن ئۆرۆپا كەن
چاڤەڕێ دهێتە كرن ئەڤرۆ ل دەمژمێر 9:45 شەڤ یاریا دووماهیا قارەمانیا خولا نەتەوەیێن ئۆرۆپا د ناڤبەرا هەلبژارتیێ كرواتیا و ئسپانیا ل یاریگەها ڤینۆرد ل باژێرێ رۆترداما هۆلەندا بهێتە ئەنجامدان.
هەلبژارتیێ ئسپانیا دەربازبوو یارییا دووماهیێ پشتی ب سەركەفتی ل سەر هەلبژارتیێ ئیتالیا ب 2-1 گۆلان، دبەرانبەر دا هەلبژارتیێ كرواتی سەركەفتنەكا مەزن ل سەر خودانێن ئەردی هەلبژارتیێ هۆلەندا ئینابوو ب چار گۆلان بەرانبەر دو گۆلان، بۆ زانین ئەڤرۆ ل دەمژمێر چارێ ئێڤاری هەردو هەلبژارتیێن هۆلەندا و ئیتالیا دێ هەڤڕكیێ ل سەر رێزبەندیا سێیێ یا قارەمانیێ كەن.
قارەمانیا نەتەوەیێن ئۆرۆپاUEFA Nations League ل سالا 2018ێ هاتیە رێكخستن، 55 هەلبژارتیێن ئۆرۆپا پشكدارن و دهێنە بەلاڤكرن ل سەر چار ئاستان، یێ ئێكێ چار كۆما پێكدهێت و سەركەفتیێن وان دەربازبوونە قۆناغا چارێك دووماهیێ ئەوێن ئەڤرۆ دێ یاریێن دووماهیێ و بۆ رێزا سێیێ كەن و دیسان پلێتا قارەمانیا نەتەوەیێن ئۆرۆپا وەرگرتن ئەوا بڕیارە ل 2024ێ ئەلمانیا بهێتە كرن.
