بۆچی فۆتسالا زاخۆ خوه ژ كۆپا ئیراقێ ڤه‌كێشا؟
زاخۆ، عەلی حاجی:
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژناما ئەڤرۆ دیار کر د پلان دا بوو تیما وان یا فۆتسالا کچان پشکداریێ د خولا نایابا ئیراقێ دا بکەت لێ چەند یاریزانێن به‌ر ب یانه‌یێن دی چوون.
زێدەتر هشیار شەهباز گۆت: وەکو دەستەیا کارگێریا یانێ کۆمبوون دگەل راهێنەرێن تیما خوه ئەنجامدابوو پێخه‌مه‌ت دانوستاندنێ دگەل چار یاریزانێن خوە یێن کچ بکەین ئەوێن ژ باژێرێ دهوکێ پەیوەندی ب تیما مە کرین، پشتی یاریا مە یا دووماهیێ ژ خولا کوردستانێ دگەل چار یاریزانان گه‌هشتینه رێكه‌فتنا ده‌ستپێكی و مە بەرهەڤیا خوە دیار بەرانبەر هەڤبەستەکا باش و مه خواست بمینه دگەل تیمێ ژبۆ پشکداریێ دگەل د كۆپا ئیراقێ دا، لێ رازی نەبوون و دیاربوو کو وان پێشتر هەڤبەست یانەیێن دیترێن ئیراقێ هەبوون و ئەو چار یاریزانە ژ یاریزانێن باش و سەرەکی بوون دگەل مە دا، ب چوونا وان یاریزانان مە نەشیا پشکدار ببین، له‌وما ل سەر داخازا راهێنەرێ تیمێ بۆ مە دیار کر ژی هەکە ب یاریزانێن مایی ژی پشکداریێ د كۆپا ئیراقێ دا بکەن دێ یا ب زەحمەت بیت ژبەرکو یا ب هێزە و پرانیا یاریزانێن مە ژی چو سەربور نینن.
ناڤبری گۆت ژی: ئەم دێ هەر پشتەڤانیێ ل تیما خوە یا فۆتسالا کچان کەین و مە یا گەهاندیە قۆناغەکا باش و بۆ وەرزێ نوو یێ خولا نایابا کوردستانێ دێ خوە بەرهەڤ کەین و تیمەکا رێک و پێکتر ئاڤا کەن .
