شه‌هید حزنی دێ پشکداریێ د قارەمانییا خوه‌لێكدانا عه‌ره‌بی دا کەت
زاخۆ، عەلی حاجی:
د داخویانیەکێ دا کورێ باژێرێ زاخۆ و یاریزانێ یاریا خوەلێکدانێ یێ هەلبژارتیێ ئیراقێ بۆ رۆژناما ئەڤرۆ دیار کر ل دەستپێکا مه‌ها بهێت دێ پشکداریێ د قارەمانیا وەلاتێن عەرەبی دا کەت و چاڤێ وی ل رێزێن پێشیێ یە.
زێدەتر شەهید حزنی گۆت: بۆ ماوه‌یێ زێدەتری مه‌هه‌كه به‌رهه‌ڤی بۆ قارەمانیا وەلاتێن عەرەبی كرینه ئەوا بریارە ل رێکەڤتی ٥/٧/٢٠٢٣ وەلاتێ جەزایرێ مێڤانداریا وێ بكه‌ت، هەمی وەلاتێن عەرەبی دێ پشکداریێ د وێ قارەمانیێ دا کەن، د نوکە دا دگەل هەلبژارتیێ ئیراقێ ل وەلاتێ ئیرانێ د کەمپەکا راهێنانێ دامه و ئه‌وا دێ بۆ دو حەفتیان بەردەوام بیت، ئه‌ڤ قاره‌ماینه ئێک ژ ب هێزترین قارەمانیایە ل سەر ئاستێ وەلاتێن عەرەبی و پشکداریا من ژی د وێ قارەمانیێ دا دێ ل سەر کێشەیا ٦١ کێلوگرامی بیت و بەردەوام ژی خوە ماندی دکەم داکو بشێم ئەنجامەکێ باش ب دەستخوەڤە بینم، بتنێ وەکو کوردەک دگەل هەلبژارتیێ ئیراقێ دێ پشکداریێ کەم، بۆ من سەر بلندیە به‌رانبه‌ر سەروک وەلاتێن عەرەبی بشێم دەستکەڤتیەکێ باش ب دەستخوەڤە بینم و شیانێن یاریزانێن کورد دیار بکەم.
ناڤبری گۆت ژی: بۆ ئێکەم جارە پشکداریێ د قارەمانیەکا وەلاتێن عەرەبی یا مەزن بکەم و بەردەوام ژی کار دکەم پێخەمەتی هندێ کو بشێم باشترین دەستکەڤتی ب دەستخوەڤە بینم د نوکە دا خوە ل باشترین ئاست دبینم .
