ئەڤرۆ ئیراق و ئیران دێ هەڤڕكییا ناسناڤێ رۆژئاڤا ئاسیا كەن
قەیس وەیس:
دهێتە چاڤەڕێ كرن ئەڤرۆ ل دەمژمێر هەشت شەڤ یاریا دووماهیا قارەمانیا رۆژئاڤا ئاسیا بۆ هەلبژارتیێن ل بن 23ێ سالی دا د ناڤبەرا هەلبژارتیێ ئیراقێ خودانا ئەردی و هەڤڕكا وێ هەلبژارتیێ ئیراقێ ئەوا دێ ل یاریگەها ستاد ئەلمەدینە ل پایتەختێ ئیراقێ بەغدا هێتە كرن.
هەلبژارتیێ ئیراقێ دەربازبوو یاریا دووماهیێ پشتی د قۆناغا پێش دووماهیێ دا ب سەركەفتی ل سەر هەلبژارتیێ عومانێ ب گۆلەكێ بێ بەرانبەر، هەلبژارتیێ ئیران ل سەر كیستی هەلبژارتیێ ئۆردن دەربازبوو ب لێدانێن پەنەلتیان 4-3 گۆلان پشتی یاری بێ گۆل وەكهەڤی ب دووماهی هاتی، یاریا ئەڤرۆ یا دووماهیێ دێ ژلایێ دادڤانێ سعۆدیێ سەعد ئەلسبیعی ڤە هێتە بڕێڤەبرن.
بۆ زانین نەه هەلبژارتیێن رۆژئاڤا ئاسیا پشكداری كربوون و هاتبوونە بەلاڤكرن ل سەر سێ كۆمان، كۆما ئێكێ، ئیراق، ئیمارات، ئۆردن، كۆما دویێ ئیران، سۆریا، فلەستین، كۆما سێیێ: عومان، لوبنان، یەمەن.
