فەتات یا كەركووكی گرێبەست دگەل كچەكا ئاكرێ و راهێنەرەكی ئیمزاكر
د داخویانیەكێ دا سەرۆكا یانەیا فەتات یا كەركووك دیار كر ئەوان دەست ب پلانا خوە یا وەرزێ نوو كریە و دەستپێكێ ب ئینانا سەرپەرشت و راهێنەرەكێ شارەزا بۆ تیما تەپا دەستی خوە بەرهەڤكرن بۆ خول و قارەمانیێن داهاتی یێن ئیراقێ.
زەینەب ئەلسەعدۆن گۆت: ل دووڤ پلانا هاتیە دانان بۆ پێكئینانا تیمەكا بهێز یا یاریا تەپا دەستی ل سەر ئاستێ كچان، مە ب فەر دیت گرێبەستێ دگەل ئێك ژ كچێن شارەزا و خەلكا پارێزگەها دهۆكێ و باژێرێ ئاكرێ كاژین فەرزندە ئیمزا بكەین ژبەر شیان و كاروانێ وێ یێ وەرزشی پری دەستكەفتە كو شیابوو دگەل تیمێن جودا سێ ناسناڤێن ئیراقێ ب دەستڤە بینت و ئێك ژ یاریزانێن گرنگ دناڤ هەلبژارتیێ ئیراقێ دابوو.
هەروەسان ژبۆ وەرگرتنا شارەزاهیا وی گرێبەست دگەل راهێنەر كردۆ قادر بۆ وەرزێ 2023-2024ێ یا خول و قارەمانیێن ئیراقێ، راهێنەرێ ناڤهاتی خودان سەربۆرەكا مەزن و پری دەستكەفتە، وەكو یاریزان پێنچ ناسناڤێن كوردستانێ و ئێكا ئیراقێ دگەل یانەیێن سلێمانیە، دیسان ناسناڤێ قارەمانیا ئیراقێ و كوردستانێ دگەل ئەفرۆدێت دەستڤە ئینایە.
