سەرۆكێ فیدراسیۆنا خوەلێکدانا ئیراقێ پەسنا یاریزانێ زاخۆ كر
قەیس وەیس:
د داخویانیەكێ دا سەرۆكێ فێدراسیۆنا خوەلێگدانا ئیراقێ كەیفخوەشیا خوە دیار كر ب ئەنجامێن مەزن یێن یاریزانێن هەلبژارتیێ وەلاتێ ئیراقێ د قارەمانیا یاریێن عەرەبی دا ئەوا شەمبییا بۆری هەڤڕكیێن وێ ل وەلاتێ جەزائیر ب دووماهی هاتین و چەند یاریزان بوونە جهێ سەرنجراكێشا هەلبژارتیێن پشكدار ژبەر ئاست و شیانێن پێشكێشكرین ئەوا وەلاتێ ئیراقێ ل سەر ئاستێ هەمی یاریان 45 میدالیێن زێری، زیڤی و برۆنزی ب دەستڤە ئینانین و رێزا حەفتێ هاتین و پشكداریا 17 وەلاتێن عەرەبی بوون.
زێدەتر شەعلان عەبد كازم گۆت: پێخوەشحالێن یاریزانێن مە ئاستەكێ مەزن نیشان دا و كۆنترۆلا چەندین كێشێن جودا یێن قارەمانیێ كرن پێنچ میدالیێن زێری و سێ یێن زیڤی ب دەستڤە ئینان، ئەڤە ژی وێ یەكێ دیار دكەت كو ئاستێ خوەلێگدانا ئیراقێ بەر ب پێشڤە دچیت، یا گرنگ ئەو یاریزانێن بووینە جهێ سەرنجراكێشێ ب ئاست و شیانێن خوە بەرانبەر هەلبژارتیێن عەرەبی نیشان دایی ژوانا قوتەیبە مستەفا، عەباس شەعلان، خەتاب عومەر و شەهید حزنی، ئەوێن شیاین ب پیڤەرێن نێڤدەولەتی هەڤڕكیەكا بهێز پەیدا بكەن.
هەروەسان ناڤهاتی گۆت: ئەڤ یاریزانە بووینە دیرۆكەكا نوو بۆ یاریا خوەلێگدانا ئیراقێ لەوما دێ هەمی بزاڤا كەین بەردەوامی دووڤچوونێ ئاستێ وان بهێتە كرن بۆ وێ یەكێ د قارەمانیێن داهاتی دەستكەفتنێن مەزنتر بینن.
بۆ زانین شەهید حزنی كوڕێ باژێرێ زاخۆ و ئێكانە كوردە د ناڤ هەلبژارتیێ ئیراقێ دا شیابوو ل سەر كێشا 61 كگم بگەهیتە یارییا دووماهیێ ب خالەكێ میدالیا زیڤی ب دەستخوە ڤەبینت.
