ل زاخۆ كەسەك ب تۆمەتا بازرگانیكرنێ ب ماددەیێن هۆشبەر هاتە دەستەسەركرن
ل سنوورێ ئیدارەیا سەربخوە یا زاخۆ، كەسەك ب تۆمەتا بازگانیكرنێ ب ماددەیێن هۆشبەر هاتە دەستەسەركرن.
ئەحمەد ڕەمەزان، بەرپڕسێ ڕاگەهاندنا ڕێڤەبەریا پۆلیسێن زاخۆ بۆ ڕۆژناما ئەڤرۆ دیار كر كو د پلانەكا رێكخستی یا تایبەت دا پشكا پۆلیسێن هەوارهاتنا زاخۆ تۆمەتبارەكێ داخوازكری بناڤێ (ز. ج. ت) ب تۆمەتا بازرگانیكرنێ ب ماددەیێن هوشبەر دەستەسەركر.
بەرپڕسێ ڕاگەهاندنا ڕێڤەبەریا پۆلیسێن زاخۆ، ئاماژە ب وێ چەندێ ژی كر كو ل دەمێ دەستەسەكرنا ڤی تۆمەتباری چەك و ڕێژەیەكا ماددەیێ هۆشبەر د گەل دا هاتیە گرتن و گۆت: «تۆمەتبار هاتیە ڕەوانەكرن بۆ دادگەهێ و ڤەكۆلین دگەل دا بەردەوامە».
