رێژەیا كەسكاتیێ ل دەڤەرداریا سێمێلێ دهێتە زێدەكرن
ئەڤرۆ، لەزگین جوقی:
دەڤەردارێ سێمێلێ دیار كر، ل سەر رووبەرێ دو هزار مەتران هەر ژ زانكۆیا ئەمریكی هەتا ئەندەرپاسا سێمێلێ هەمی دێ بیتە كەسكاتی، ئەڤ پڕۆژە ب گوژمێ ملیار دیناران دهێتە بجهئینان.
خەلیل مەحمود، دەڤەردارێ سێمێلێ بۆ رۆژناما راگەهاند، بەری نوكە هندەك دكانێن پیشەسازی هاتنە ڤەگوهاستن نوكە كار دهێتە كرن جهێ وان ببیتە كەسكاتی و گۆت: «كار یێ ل سەر بجهئینانا وی پرۆژەیی دهێتە كرن ژ یاریگەها سێمێلێ و زانكۆیا ئەمریكی هەتا دووماهیا سێمیلێ بەرەڤ زاخۆ ڤە و ئەندەرپاسا سێمێلێ هەمی ببیتە كەسكاتی، ئەڤ پڕۆژە دێ دیمەنەكێ گەلەك جوان دەتە دەڤەرداریا سێمێلێ و دێ بیتە ئەگەر رێژا كەسكاتی ل دەڤەرێ زێدەبیت».
ئاشكرا ژی كر، ئەو جهێن زێدەگاڤی ژی ل سەر هاتیە كرن، هەمی دێ هێنە راكرن، داكو پتر رێكخستنا باژێری بهێتە كرن و رێژەیا كەسكاتی بهێتە زێدەكرن.
