رووبارێ گەلیێ دهۆكێ دێ هێتە سەخبێركرن و زێدەگاڤی هێنە راكرن
رووبارێ گەلیێ دهۆكێ و دێ هێتە پاقژكرن و سەخبێركرن و زێدەگاڤیێن ل سەر رووباری و بەنداڤێ ژی دێ هێنە لادان، دیسا رێنمایێن پاقژی و ساخلەمیێ بۆ جهێن گەشتیاری یێن ل سەر لایێن رووباری هاتینە ڤەكرن دێ هێنەدان.
بۆ ڤێ مەرەمێ شمعون شلیمون ئیشۆ، جێگرێ پارێزگارێ دهۆكێ و د گەل دا ژی ئەندازیار فەرهاد محەمەد تاهر، رێڤەبەرێ سكرێ دهۆكێ و تیمێن باژێرڤانیێ و ژینگەهێ و سۆلینان، بۆ دووڤچوون و ژ نێزیك دیتنا رووبارێ گەلیێ دهۆكێ و بناڤا سكرێ دهۆكێ هەتا سەنتەرێ پارێزگەهێ سەرەدانەكا مەیدانی بۆ ئەنجامدا.
د وێ سەرەدانێ دا بڕیار هاتەدان سازیێن ناڤبری كار ل سەر خوشكرنا رێكا ئاڤێ و پاقژكرن و سەخبێركرنا گەلیێ دهۆكێ بكەن و زێدەگاڤیێن ل سەر رووبارێ بەنداڤێ لادەن ل گەل دانا رێنمایێن پاقژی و ساخلەمیێ بۆ وان جهێن گەشتیاری یێن ل سەر لایێن رووباری هاتینە ڤەكرن.
