هەتا 15ی مەهێ یێ كارتا خوە نەكەتە ئەلكترۆنی دێ ئەرزاقێ وی هێتە بڕین
ئەڤرۆ، زنار تۆڤی:
رێڤەبەرێ گشتی ل وەزارەتا بازرگانی یا حوكمەتا هەرێما كوردستانێ خویا كر، ئەوێن هەتا نوكە كارتێن خوە یێن ئاهێن خوارنێ ل پارێزگەها دهۆكێ نەكرینە ئەلكترۆنی، دڤێت هەتا ناڤەراستا ڤێ مەهێ بكەنە ئەلكترۆنی و فۆرمێن خوە چێكەن، چونكی هەكە وان كارتان چێنەكەن دێ ئەرزاقێ وان هێتە راگرتن و دبێژیت: هەتا نوكە نێزیكی 25 هزار خێزانان كارتێن خوە یێن ئاهێن خوارنێ نەكرینە ئەلكترۆنی و 96% ێ ژ خەلكێ دهۆكێ كارتێن ئەلكترۆنی یێن ئاهێن خوارنێ دروست كرینە.
نەوزاد شێخ كامل بۆ رۆژناما ئەڤرۆ گۆت: «هێشتا ل پارێزگەها دهۆكێ ئەو كارتە نەهاتیە كاراكرن، چونكی هێشتا كارتا ئەلكترۆنی ل هەموو پارێزگەهان نەهاتیە بجهئینان، دهێتە چاڤەرێ كرن ل هەموو پارێزگەهان بهێتە بجهئینان، داكو بهێنە كاراكرن».
ناڤهاتی گۆتژی: «ئەم داخوازێ ژ خەلكێ دهۆكێ دكەین، ئەوێن هەتا نوكە ئەو كارتا ئەلكترۆنی چێنەكری بچن دروست بكەن، چونكی هەكە هەتا 15ی ڤێ مەهێ ئەو فۆرمە نەبنە ئەلكترۆنی دێ ئەرزاقێ وان هێتە بڕین».
