كۆنفرانسەك ل دۆر ماددەیێن هۆشبەر ل دهۆكێ دێ هێتە گێڕان
پارێزگارێ دهۆكێ ل گەل لژنا رووبرووبوونا ماددەیێن هۆشبەر كۆمبوو، تێدا بڕیار هاتەدان كۆنفرانسەكێ زانستی ل دۆر ماددەیێن هۆشبەر د ڤێ مەهێ دا ل پارێزگەها دهۆكێ بهێتە گێڕان.
د. عەلی تەتەر، پارێزگارێ دهۆكێ و ب بەرهەڤبوونا جێگرێ پارێزگاری و دام و دەزگەهێن پەیوەندیدار ل رۆژا 2/10/2023 ل گەل لژنا رووبرووبوونا ماددەیێن هۆشبەر ل پارێزگەها دهۆكێ كۆمبوو.
د كۆمبوونێ دا باس ل پێنگاڤێن پراكتیكی یێن رووبرووبوونا ماددەیێن هۆشبەر هاتە كرن، هەر د كۆمبوونێ دا باس ل ئەنجامدانا كۆنفرانسەكێ زانستی یێ گرێدای رووبرووبوون و شرۆڤەكرنا ئەگەر و چارەسەریا بابەتی هاتە كرن، كو بڕیارە د ڤێ مەهێ دا بهێتە ئەنجامدان.
پارێزگارێ دهۆكێ دەستخۆشی ل كارێ لژنێ كر و پشتەڤانیا خوە بۆ بەردەوامیا كارێ وان دۆپاتكر و هیڤیا سەركەفتنێ بۆ خواست.
