هزار و 200 ئامیر بۆ تۆماركرنا فەرمانبەران دێ هێنە دانان
هەولێر، قائید میرۆ:
بڕیارە حوكمەتا هەرێما كوردستانێ بۆ ڤەكرنا هەژمارا من هزار و 200 ئامیرەیێن پێشكەفتی دانیت و رێڤەبەرێ گشتیێ بانكێن بازرگانی ژی دبێژیت: پشتی ڤەكرنا هەژمارا بانكی دێ سیستەمێ بەلاڤكرنا مووچەیێ فەرمانبەران بیتە ئەلكترۆنی.
مەولود سابر، رێڤەبەرێ گشتیێ بانكێن بازرگانی بۆ رۆژناما ئەڤرۆ دیار كر، هەژمارەكا بانكێن بازرگانی بۆ ڤەكرنا هژمارا من بۆفەرمانبەران هاتینە دیاركرن و گۆت: «بڕیارە هزار و 200 ئامیرەیێن پیئێم بهێنە دانان بۆ تۆماركرنا فەرمانبەران و ڤەكرنا هەژمارا من، ل دەستپێكێ دێ لینكەك بۆ فەرمانبەری چیت و د دووڤ دا دێ فەرمانبەر سەرەدانا بانكێ كەت بۆ ڤەكرنا هەژمارا بانكی، ئەو پرۆسە ژ لایێ حوكمەتا هەرێما كوردستانێ ڤە هاتیە دەستپێكرن و دێ بەردەوام ژی بیت هەتا هەموو فەرمانبەران هەژمارا بانكی هەبیت».
مەولود سابر گۆتژی: «پشتی هەژمارا بانكی بۆ هەموو فەرمانبەران دهێتە ڤەكرن، بەلاڤكرنا مووچەی دێ بیتە ئەلكترۆنی و پێدڤی ب هەبوونا ڤێ هەژمارا بانكێن بازرگانی ژی نابیت، مە پلان هەیە هەژمارا بانكێن بازرگانی بهێنە كێمكرن و زێدەتر ب سیستەمێ ئەلكترۆنی مووچە بهێنە بەلاڤكرن، ئەڤە ژی دێ بیتە ئەگەر هەرێما كوردستانێ پێدڤی ب ئەڤێ هەژمارا زۆرا بانكان نەبیت، چونكی د دەمێ نوكە دا 94 بانكێن بازرگانی هەنە».
