نەخۆشترین شەڕێ دژیانا خوە دا كەفتیمێ داستانا دێرەلۆكێ بوو
دیدار، سالار محەمەد دۆسكی:
پتریا پێشمەرگەی دناڤا شۆرەشێ دابوون و هەتا كیشەكێ شەكرێ یان ئاری تە پەیدا كربا گەلەك یا زحمەت بوو، و زێدەتر ژیارا پێشمەرگەی ل سەر گوندان بوو و هندەك مالێن بەرنیاس هەبوو رەنگە دانەكی (20) پێشمەرگە تێدا رونشتی بوون و خودێ هاریكار بوو و ئەم سەركەفتین و پشتی ئەڤ چالاكیە ب دووماهی هاتی پێشمەرگەی پلانا كانی ماسێ دانا و دەمێ كانی ماسێ دایە مە گەلەك رەبیە ل دەردورێ، كانی ماسێ هەبوون و رەبیەكا گەلەك زحمەت هەبوو وی دەمی ئەو رەبیە دانا شەهید (محەمەد صالح بوتی) و رێكخراوا مە ل گەل هندەك پێشمەرگێ، ژێگری جەرگێ فەوجێ بۆ هاتە دەست نیشانكرن، بەری هێرشا بامەرنێ دانێ ئێڤاری كومبوونەك ب پێشمەرگەی هاتەكرن و دووڤ دا پێشمەرگەی دەوات گرێدا وی دەمی من ستران دگۆتن بۆ پێشمەرگەی و دەمێ ئەم ب رێكەفیتن بۆ جهێ چالاكیێ باسكەكێ درێژ بوو ئەم ژوور دا چووین و ئەو جهێ بوومە هاتیە دەست نیشانكرن نێزیكی 1000 مەترا یێ دیر بوو ژ فەوجێ و دەمێ چووینە جهێ چالاكیێ مە گۆتێ گەلەكا دویر و رەنگە كارتێكرنێ نەكەت وی دەمی دەواتەكا مەزن ل كانی ماسێ بوو سەماعێن مەزن دانا بوون و هەمی جندیێن لەشكرێ ئیراقێ ئەوێ، بەرهەڤ چاڤێ وان ل دەواتێ بوو و دەمژمێر 11ی شەڤێ یە و مە داخاز كر خوە نێزیك بكەین و ئەوان گۆت ئەگەر هندەك هەبن خوە نێزیك بكەن باشە و مە گۆتێ مە دڤێت زیكا كونترۆلێ ل سەر بكەین و لدووڤ پلانا هاتیەدانان كو دڤێت دەسپێكا عملیاتێ ژ دەف مە دەست پێ بكەت،(عبدالخالق بابیری) رۆژئاڤێ مە بوو، شەهید (محەمەد صالح بوتی) ل نێزیك بوو، بەرپرسێ ۆێكخراومە (خسرو) هات و گۆت تو جەمشید ڤێرا هەرن كا چ هەیە و ئەم گەلەك چووین و هەتا نێزیكی ساترێ بارەگایی ڤە بووین و زڤرین مە گۆتێ تشتەك نینە و زێرەڤانێ ل سەر كورسیكێ و بەرێ ویێ ل دەواتێ و هەڤال ل گەل مە هاتن و چووینە دەف ساتری و دەمژمێر 1ی شەڤێ بۆ ئەنجامدانا عملیاتێ هاتوو دانان و عملیاتێ دەمژمێر ئێكم چارێكەكێ دەست پێ كر و دەمێ دەست پێكری ئەم چووینە دناڤا رەبیێ دا و ئەم وی دەمی گەلەك ژ هەڤالێن خوەیێن پشتێ ترسیان چونكە ژڤانێ هێرشكێ هاتە گوهورین وە مە خوە دا بەر ساترێ رەبیێ و سوپاس بۆ خودێ پێشمەرگەی چالاکیا خوە ب سەركەفتیانە دەربازكر و خودێ ژ ئەوان پێشمەرگا رازی بیت و مە گەلەك عگید بۆ وێ چالاکیێ ژ دەست دان وەك شەهید (محەمەد صالح بوتی) لێ بۆ وی دەمی ئەو چالاکی گەلەك یا گرنگ بوو بۆ پێشمەرگەی .
هەمان پێشمەرگێ شۆەشا گولانێ زێدەتر گۆت: نەخوشترین شەرێ دژیانا خوە دا كەفتیمێ شەرێ دێرەلۆكێ بوو و ئەڤەژی بۆ نە شارەزسیا مە بۆ جوگرافی یا دەڤەرێ ڤەدگەریت، شیڤەك دناڤبەرا مە و رێكخراوێ دا بوو و حەلان بوو و ئارپیچی حەلانی نەچوون و دەمێ پێشمەرگەی ئارپیچی دانانێ ڤێ دكەتن بەلێ كارتێكرن لێ نەدكر وەك گركا بوون و مە خوە دا بەر مە هزر نەكر ئەڤە گركێن گلێشی نە و دەمێ دهاڤێتە مە ئەو گلێش هەمی ب سەر سەرێ مە وەردكر و ئەم نەچار بووین چووینە بەر دیوارێ تعاونیێ وی دەمی (بورهان ئامێدی) ل گەل مە بوو و چەند گولە ب پێن وی كەفتن و مە كێشا بەر دیواری و بانێ وێ تعاونیێ قەرەم بوو و دەمێ هاڤێتی یە مە ئاگر بەر بوو بانی و تەرش و كەوال دناڤا وی ئاڤاهی دا هەبوون و نەچاربووین ئەم وی تەرش بەردەین چونكە دا ئاگر بەربیتێ.
هەمان پێشمەرگەیێ شۆرەشا گولانا پێشكەفتن خواز بەحسێ خوشترین شەرێ خوە كر و گۆت: سەرێ ئەرەدنا ل گەل قوت مەلكو خوشترین شەرێ مە بوو چونكە عملیاتەكا گەلەك ب ساناهی بوو سالا 1987 مەزنترین سەركەفتن مە ئینا و ئەو قوت هەمی هاتبوون خەلكێ ئەرەدنا هەمیا بگرن و ب بەن و گەلەك زیان ب وێ قوتێ كەفت بوون.
سەلیم زێوەی، زێدەتر گۆت: ل ئەنفالا رێكخراوا مە ل بێشیلێ بوو و بریار كو دێ هندەك قوت چنە پشت جادێ و كاوەدان گەلەك نەخوش بوون (ئەحمەد تروانشی) هات و گۆت ئەگەر بشێن دێ چینە توركیا و بن ئەلكیشكێ چەتە بوون و راستی بۆ مێژوو مرۆڤ بێژیت چەتێن وێ دەڤەرێ گەلەك هاریكاربوون و مە تەنسق هەبوو ئەوا گۆت هندی شیانێن مە دا بیت دێ خەلكی دەرباز كەین بەلێ هندەك جاران مەفرەزێن ئستخباراتێ دهێنە دەڤەرێ ئەم وی دەمی نەشێین و رێكخراوا مە نێزیكی جادێ بوو و ئەم دو شەڤا ماین و خەلك دهات دەربازبوو و شەڤا سیێ ئەم هاتین و گۆتن خوە ب هاڤێژنە پشت شارعی چونكە ئەڤە عملیاتەكا مەزنە وی دەمی مە پێزانین هەبوون چونكە شەرێ ئیراقێ و ئیرانێ راوستیا بوو و رژێما بەعس گەلەك هێز ژ سنوری ڤە كێشا و ئینا دەڤەرێ و گەلەك ئاخفتن بوومە ژ دەف مستەشار و ئاغا دهاتن و گۆتن لێبورین نینە و هەر كەسەكێ خوە قورتال بكەت باش و بەری ئەنفالان رژێما ئیراقێ بریارەك دەركر كو هەر كەسەكێ بهێت ئەو وەلاتیەكێ ئیراقی یە و هەر كەسەكێ ما ل پشت هێلا سور ژی بلا بخوە مێرەكێ باش بوو و كاودانێن خەلكی دەروونی تێكچووبوون وێ شەڤێ ئەم دەربازبووین و مە تەركترێن خوە ئینان و ئەم چووینە جمبلی و ل بەر خالا چەتا را دەربازبووینە ئەلكیشكێ و سەركەفتینە دەشتا هەدێنە و چووینە ئورە دا بهێنا خوە ڤەدەین و خوارنێ خوەین و مە دیت بۆ شەر ل پشتا ئورە و گۆتن ئەڤە چەتە ل پشتا گوندی و ئەف پێشمەرگێن چەك د دەستی دا ئەم چووین مە گۆت دا نەهێلین شەر چێ بیت دا خەلك دەربازبیت و ئەڤێن ماین تشتێن خوە هێلان و دەربازبوون و ئەم (14) رۆژا ماینە ل سەر سنورێ توركیا و هندەك قەلابە هاتن و گۆت دێ هەوە بەیەنە كەمپان و ئنیەتا حوكمەتا توركیا ئەو بوو مە بینە براهیم خەلیل و رادەستی رژێما ئیراقێ بكەن، خەلكێن سلوپی و جزیرێ خوپیشاندان كرن و نەچاربووین برینە فرۆكخانەكێ ڤە كو پێشتر جهێ ئەوان كەسان بوو ئەوێن چوونە حەجێ و ئەم پتر ژ هەیڤەكێ ماین و دووڤ دا ترۆمبێل ئینان گۆتن دێ هەوە بەینە ئیرانێ و كەیفا مە هات مە گۆت وێرێ ئازادی زێدەتر دێ هەبیت و دیسا خوارن ژی ل توركیا بتنێ تەباخەكا مەركەزی بوو وەك خەباتا چێمەنتویێ وی دەمی گەلەك مال بوون و خوارنا وان نەدهاتە خوارن و پشتی هەیڤەكێ گۆت دێ هەوە بەینە ئیرانێ و ب ترۆمبێلان ڤەگوهاستینە شەمزینا و گۆت دێ سەر چیایی كەڤن و ب رێكێن نە قانوونی هوون دێ دەربازی ئیرانێ بن و مە گۆت ئەم ناچین و ئەوێ، زگورد گۆتن ئەم دێ چینە ئیرانێ و دووڤ دا ئەم ئیناینە كومەلگەهەكێ و ئەم ماینە وێرێ هەیڤەكێ و دووڤ دا چووینە مێردینێ و ئەم ماینە دەڤەرێ.
ل دووماهیێ هەمان پێشمەرگە خواست چاڤدان بۆ پێشمەرگێ زحمەت و ماندیبوون دیتی هەبیت و زێدەتر چاڤدان بۆ خێزانێن شەهیدان هەبیت و پارتێن سیاسی ل كوردستانێ زێدەتر نێزیكی ئێك بن بۆ پاراستنا ئەڤان دەسكەفتێ، ب دەست ڤە هاتین.
