نەورۆزا سالا 1977 ب رێپیڤان خەلكێ دهۆكێ سروودێن نشتیمانی دگۆتن، روودانەكا مێژوویی بوو
ديدار، سالار محةمةد دؤسكى:
2-3
د.عابد بێسری ئەو ژی گۆت: شانامە ناڤێ وێ (شەفەق) بوو و جەنابێ سەرۆكی پەرتووكا خوە ژی دا ئاماژە پێكریە كو ژ شانێن رێكخستنێ یێن دەسپێكێ بوویە ل سەنتەرێ باژێرێ دهۆكێ سەرهلدای وی دەمی هەمی كار گەلەك ب نهێنی بوو و رژێما ئیراقێ گەلەك یا دژوار و هار بوو، ئێكەم كارێ مە بەلاڤەكرنا بەلاڤووكا بوو و هەمی كارێ مە چاڤدێریا بنگەهێ پولیسان بوو و دهاتنە بەلاڤەكرن و گەلەك جاران مە دناڤا رۆژنامێن حوكمەتێ دا بەلاڤ دكرن و هەر جهەكێ چووباینێ مە بەلاڤەدكرن و دیسا وی دەمی ئەم تیما باسكت بوولێ ژی بووین و هەر یاریەكا مە ئەنجامدا با مە ئەڤ بەلاڤووكە دگەهاندنە وی جهی و رێكەفتی 14/8/1977 شاندەكێ بنگەهێ لاوێن دهۆكێ یێ وەرزشی ل هەولێرێ دەمێ ژیاریێ ب دووماهی هاتین ئەم دو تیم پشكدار ب بووین (12) سالی و (17) سالی دەمێ مە كاس وەرگرتی و ئەم ژ یاریێ ب دووماهی هاتین، ئەم هاتینە ترۆمبێلێ دا مە دەست ب گۆتنا سرودا ئەی رەقیب و دیسا پێشرەوی كورد پارتی یە و سەرۆك مان بارزانی یە گۆت و ئەم ژ یاریگەها هەولێرێ دا چینە مالا لاوان بۆ نڤستنێ و ئەم دناڤا هەولێرێ دا بووین، وی دەمی ریم بوو مالا لاوان ل تاخێ شێخ الله بوو دناڤا مالێن خەلكی دا بوو و چووینە مالا لاوان ژی هەر بەردەوام بووین ل سەر گۆتنا دروشم و سرودێن نشتیمانی و بەری دەژمێر 12ی شەڤێ مە دیت ئاڤاهیێ مالا لاوان هەمی هاتە دورپێچكرن ژ لایێ هێزەكا ئەمنێ یا هەولێرێ ڤە و ئێك ئێكە برینە ڤەكولینێ و هەر وێ شەڤێ دو هەڤالێن مە بناڤێ(كاوە فەیسەل نزاركی و محەمەد حاجی) برن و نەشیان مە هەمیا پێكڤە بگرن و كەسێ سیێ بۆ برنێ ئەز بووم و چەند جاران گازی ناڤێ من دكر و من خوە گیرو دكر و ل دووماهیێ هێلام و رۆژا دووڤ ژی ڤەكولین یا بەردەوام بوو و زێدەتر یاریكەرێن لاوێن دهۆكێ ئەوێن بچووك دبرنە ڤەكولینێ چونكە ژیێ وا یێ بچووك بوو بۆ ژێ چێكرنا ئاخفتنا و راستی یا بابەتی وی دەمی مە هزر كر كو شوفێرێ ریمێ خیانەت ل مە كریە و هەمان دەم مە هزر دكر زێرەڤان یان مالێن نێزیكی مالا لاوان خیانەت مە كریە و ئەو هەر دو هەڤالێن مە برن وی دەمی (حازم نەشئەت) كادرەكێ حزبیێ پێشكەفتی بوو و رێڤەبەرێ گشتیێ لاوێن دهۆك بوو و ئەم ژی شاندێ لاوێن دهۆك بووین ئەو هاتە دەف مە و بەرپرسەكێ مەزنێ بەعیسا ل گەل بوو و كرینە ژوورەكێ ڤە و گۆتن هەوە چ گۆتیە و مە گۆتێ مە چ نە گۆتیە و ئەوێ بەعیسا گۆت چەوا هەوە چ نە گۆتیە هەوە دروشم بناڤێ مەلا مستەفا بارزانی گۆتینە، شەرم نینە بۆ هەوە بەلێ شەرمە بۆ رێڤەبەرێ هەوە كەسانێن بڤی رەنگی هنارتینە هەولێرێ، مەوقفێ (حازم نەشئەت) ناهێتە ژبیركرن و گەلەكێ باش بوو و دەمێ زڤرینە دهۆك ژی وی گۆت هەڤالێن هەوە ئەوێن دەستێ وان سوتی نەشێم بۆ چ بكەم بەلێ هوون ئەڤێن دی ناهێلم كەسەك نێزیكی هەوە بیت، وی دەمی ئەو روودان تشتەكێ مەزن بوو چونكە شاندێن لاوێ، سلێمانیێ و هەولێرێ ژی ل گەل مەبوون و ئەڤێ روودانێ دەنگڤەدانەكا مەزن هەبوو و سالا 1977 تشتەكێ بڤی رەنگی بهێتە رودان تشتەكێ بچویك نەبوو، دناڤبەرا هەیڤێن (5و6) ل سالا 1977ێ رێكخستنێن مە ئاشكرابوون و دیاربوو كو كەسێ سەرەكی دڤێ روودانێ دا (مەحمود غلبیشی) بوو و بەرپرسێ مەیێ رێكخستنێ(ئلیاس پیرۆمەری) گرێدای (مەحمود غلبیشی) بوو وی مالا (محمودی) محلا شەهید بوو و مالا مەژی ل هەمان محل بوو و دەمێ چوویمە مال من دیت مالا (محمود غلبیشی) ژلایێ هێزێن ئەمنا دهۆك ڤە هاتیە دروپێچكرن و پێشتر من زانی هەڤالێ مە (ئلیاس پیرۆمەری) ب وی ڤە گرێدایە وی دەمی جیرانەك مە هەبوو ژ مە مەزنتر بوو دگۆتنێ (ئسماعیل پیرۆمەری) یێ بەرنیاس ب (سمویێ وەتفایێ) ئەم ل نێزیك ئامادەیا كاوە بووین هەڤالێ مە(ئلیاس) برە وێڤەتر و گۆتێ هشیاربە (مەحمید) هاتە گرتن وی گۆت ب دووماهی هات مادەم ئەو هاتەگرتن، وێ شەڤێ ئەو ل مال نە نڤست ل مالەكا دی نڤست و یا ژ من ڤە ل مالا (ئەحمەدێ پورێ) نڤست وێ شەڤێ سێ جارا ئەمن چوو (ئلیاس حاجی) وی دەمی ئەم ل تاقیكرنێن سەرێ سالێ دا بووین و گەلەك یا بزحمەت بوو بخوین بچینە تاقیكرنێ یان نەچین یان دهێینە گرتن، دێ چەوا خوینی و دەستێ تە سەر دلێ تە ئا نوكە دێ هێیە گرتن، وی دەمی قوناغا پێنجێ بووم ل ئامادەیا كاوە و تاقیكرنێن مە نیڤرۆ بوون دەمژمێر 12 دەست پێ دكرن و هاتمە تاخی و گەلەكا نهێنی بوو و من دڤیا بزانم كا (ئلیاس حاجی پیرۆمەری) هاتیەگرتن یان نە و نەوێریان بابەتی بۆ كەسەكی شلوڤە بكەین و من كەسەك دیت بناڤێ(جیهاد ئەحمەد) من گۆتێ ل تاخێ هەوە چ چێ نەبوویە؟ گۆت نەوالله بەلێ سپێدێ سێ جارا ئەمن هاتە (ئلیاس حاجی) و ل مال نەبوویە و من گۆتێ نە گرت؟ گۆت نە مانێ ل مال نەبوو، من دلێ خوە دا گۆت سۆپاس بۆ خودێ و پیچەكێ دلێ من ئارام بوو و چوومە تاقیكرنێ و (ئلیاس) چەند مالان دا خوە ڤەشارت و ئەگەر یێ شاش نەبم چووبوو مالا (رەمەزانێ خەجێ) و دووڤ دا چەندین مالێن مە ڤەگوهاست، وی دەمی تاقیكرنێن مە ل هولا ئامادەیا كاوە بوون و گەلەك جاران ڤێ بیرهاتنێ بۆ هەڤالێن خوە ڤەدگێرم و دەمێ چوویمە دهولا تاقیكرنێ ڤە دا تاقیكرنێ بكەم و ژ نیشكەكێ ڤە مە دیت هولا تاقیكرنێ هاتە دورپێچكرن ژلایێ هێزێن ئەمنا بەعسیان ڤە و من ئێكسەر پێنوسێ خوە دانا سەر تەختێ روینشتنێ و من گۆت ب دووماهی هات و 100% ئەڤە هاتینە گرتنا من و من هزرا رەڤینێ كر و من سەحكرێ ژ هەمی ئالیەكی ڤە یا دورپێچ كریە و چوونا دەرڤە گەلەك یا بزحمەتە، رەشەكێن ئەمنێ گازیكرە هاریكارێ رێڤەبەری كو مامۆستایێ خودێ ژێ رازی (محەمەد فوئاد بامەرنی) بوو چوو دەف و ل گەل ئاخفت و دیاربوو ناڤەك داڤێ و من دیت هاریكارێ رێڤەبەری (محەمەد فوئاد) بەرەف رێزا مە ڤە هات ل هولا تاقیكرنێ و من گۆت ئەڤە هات گازی من بكەت و دەمێ نێزیكی من بوو و و من خوە بەرهەف كر و دووڤ دا ژ من بووری و جهەكێ دی وێڤەی من بوو یا خالی بوو و ئەو ژی نەهات بوو و چوو سەحكرە ناڤێ وی ئەو ژی رێكخستیەكێ مە بوو بناڤێ(هەڤال صەدیق ئامێدی) و ئەو ژی بخوە حەسیا بوو خوە قورتال كربوو و هەر زی من هندەك پرسیار بەرسف دا و باوەركە 20 خولەك دەربازب بوون و چەند چاڤدێری گۆتە من روینە خوار بەرسڤێ بدە من گۆتێ من هەمی بەرسف دا و ئێكسەر ژ تاقیكرنێ دەركەفتم.
د.عابد بێسری، ئەندامێ شانا (شەفەق) یا رێكخستنێن دەسپێكی زێدەتر گۆت: هەر دەم ئەم ب جلك ڤە دنڤستین و چونكە دەمێ هێزێن ئەمنێ ب شەڤ چووبانە كەسەكی هەما یێ چەوا با دا كێشن و بێ پرسیار و بەرسڤ دبر و لەوما مە هزر دكر ئەم هەمی گاڤا د دەستە سەركرینە و جلكێن مە ل دەمێ نڤستنێ ل بەر مە بوون وی دەمی من نەگۆت بوو دایك و بابێن خوە لێ ئەوا شكەك دبر كو ئەز ئێك ژ رێكخستیێن پارتی دیموكراتی كوردستانم و ب نهینی كار دكەم و ئەوان رۆژێن شانا مە هاتیە ئاشكراكرن شەڤەكێ نیڤا شەڤێ كەسەكی دەرگەهێ مە قوتا و من جلكێن خوە دروستكرن و ئێكسەر چووم من دەرگەه ڤەكر و من گۆت ئەڤە هاتینە من و بیرا من دهێت هات پرسارا كەسەكێ جیرانێ مە دكر كو دەرمانساز بوو، كاودانێن سالێن حەفتیان گەلەك بزحمەت بوو و رۆژێن دەسپێكێ مە ئاگەه ژ خوە هەبوو و چاڤەرێی (ئلیاسی) بووین و چەند ئەو نەگەهیتە جهەكی گیانێ مە هەمیان دمەترسیێ دابوو وناڤێن نهێنی مە هەبوو وی دەمی ناڤێ من (سێڤو) بوو، وی گۆت بتنێ نەكەڤمە دەستێ حوكمەتێ ژمن نەترسن و بتنێ گۆت من قورتال بكەن و شیاین ژ دهۆكێ دەربێخین و باوەركە ل قوناغەكا ڤەگوهاستنێ مە جلكێن ئافرەتان كرنە بەر كاك (ئلیاس) و رێك هاتن و چوونێ بتنێ گەلی بوو و ئەو بێسرێ را چوو و دەمێ گەهشتیە (دەرگەلێ) گۆت گەهشتم و مەفرەزەكا پێشمەرگەی دەڤەرێ هەبوو و خەلكێ گۆندی گۆتێ جار جار دهێنە گوندی و نوزانین دێ كەنگی هێن و گۆتێ خوە بگرە و دیارە كەسانێن نیاس هەبووین و مەفرزەكا پێشمەرگەی هاتە دەڤەرێ و ل گەل چوو و بەرسف بوومە ل گەل ژنەكا گوندێ دەرگەلێ هات وی دەمی ئەم ئارام بووین و جارەكادی مە دەست بكارێ خوە كرە ڤە و بەردەوام بووین وی دەمی بتنێ مەترسیا مە ئەو بوو ئەو بهێتەگرتن و دیسا ناڤێن مە دنهێنی بوون و مە نەهێلا ناڤێن مەیێن دروست بچن و ئەڤە ژی بۆ شیانێن كاك (ئلیاس پیرۆمەری) دزڤرن.
