هەتا نوكە مە نێزیكی چار هزار بەتەنی و دۆشەك ل سەر زیانڤێكەڤتیێن لەهیان بەلاڤكرینە
ئەڤرۆ، ئەمیر ئەترووشی
ل رۆژا 19ی مەها ئادارا ئەڤ سالە پێلەكا دژوار یا بارانێ ب سەر دهۆك و سێمێلێ دا هات و زیان ب سەدان خێزانان گەهاندن و هژمارەكا زۆر یا خانیێن وەلاتیان هەرڤتن و پتری 100 ترومبێلان ب ئاڤێ دا چوون و دوو كەس ژ ب ئاڤێ دا چوون و خەندقین. پشتی ڤێ كارەساتێ ب 48 دەمژمێران، سەرۆك بارزانی هاتە سەر هێلێ و 117 یەكێن ئاكنجیبوونێ هاتنە بەلاڤكرن و هەموو خێزانێن زیانڤێكەڤتی هاتنە قەربووكرن و پتری هزار كەسان د ئوتێلان دا هاتنە حەواندن و دەزگەهێ خێرخوازی یێ بارزانی ژی د ماوێ پێنچ رۆژێن بووری دا چوار هزار دووشەك و بەتانی ل سەر خێزانێن زیانڤێكەڤتی هاتنە بەلاڤكرن.
ئێڤاریا رۆژا پێنجشەمبی رێكەفتی 21ێ ئادارا 2024ێ، ب راسپاردا (سەرۆك مەسعود بارزانی) ب ئامادەبوونا فەرماندە (مەنسور بارزانی) نوێنەرێ سەرۆك بارزانی و (سەربەست لەزگین) ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهۆكێ و (د.عەلی تەتەر) پارێزگارێ دهۆكێ و (د. نەوزاد عەبدولا) بەرپرسێ لقێ ئێك دمەراسیمەكێدا ل بارەگایێ مەكتەبا رێكخستنێ 117 شوقە ب هاوولاتیێن زیانڤێكەفتیێن رویبارێ هشكەروی هاتنەدان. ئەڤە قۆناغا ئێكێ یا قەرەبووكرنا هاوولاتیانە و قۆناغێن دژی دێ ب دووڤدا دێ هێن.
دەزگەهێ خێرخوازیێ بارزانی دیاركر، ل چەند ڕۆژێن بووری ژمارەكا چالاكی و كۆمبوونان دگەل لایەنێن پەیوەندیدار بۆ هاریكاریكرنا زیانڤێكەڤتیێن لەهیان و قەرەبووكرنا وان هاتینە كرن.
دیار ژی كر، تیمێن وان ل پارێزگەها دهۆكێ، ئیدارەیا سەربەخۆ یا زاخۆ و قەزا شێخان دهەوارا خەلكی چووینە و هاریكارییا زیانڤێكەڤتییان كرینە، كو 20 كەس ل دهۆكێ بوون، 17 ل زاخۆ و پێنج ل شێخان بوون، هەروەسا ل دهۆكێ 30 كەسان خۆبەخش كو 13 ژ وان ئاوارەیێن ڕۆژئاڤابوون، 17 گرۆپێن ماسیگران ل دهۆكێ، ل زاخۆ ژی 15 كەس ژ كەمپا چەمشكۆ دگەل وان د پشكداربوون، و بەردەوام كارێ پاقژكرنا جاددە و جهێن گشتی و تایبەت هاتە كرن.
ئاماژە ب هندێ ژی دا، ل نڤیسینگەها پارێزگەها دهۆكێ ب ئامادەبوونا سەرۆكێ دەزگەهێ خێرخوازیێ بارزانی كۆمبوون دگەل ڕێڤەبەرییێن حكومی بۆ ستراتیجكرنا پێنگاڤێن داهاتی هاتنە كرن، هەروەسا هەماهەنگی دگەل لقا ئێك یا پارتی دیموكراتی كوردستان، ڕێڤەبەریا گشتییا كۆچ و بەرسڤدانا قەیرانان، بەرگریا شارستانی، باژێرڤانیا دهۆكێ، ڕێكخراوێن مەیدانی، كۆمپانییا كاڤین، ڕێڤەبەرییا ساخلەمیا دهۆكێ و چەند جهێن بازرگانی هاتە كرن.
سەبارەت پلانا بهێت ئاشكراكر، دێ بەردەوامیێ ب پاقژكرنا جهێن گشتی و تایبەت و هەلسەنگاندن و كۆمكرنا زانیارییان ل سەر خێزانێن زیانڤێكەڤتیان، هەلسەنگاندنا ڕەوشا خێزا زیانڤێكەڤتیان كەن، هەروەسا دێ هەماهەنگیەكا بەردەوام بۆ بەلاڤكرنا كەلوپەلێن پێدڤی ب سەر زیانڤێكەڤتیاندا كەن.
د گەل هندێ ژی، هەر ل رۆژا ئێك ژ لەهیان، دەزگایێ خێرخوازی یێ بارزانی هاتە سەر خەت و ژ وێ رۆژێ وەرە، 1950 دوشەك و 1944 دوشەك ل سەر خێزانێن زیانڤێكەڤتی هاتینە بەلاڤكرن، هەروەسا پێدڤیێن زارۆیان ل سەر 124 خێزانان هاتینە بەلاڤكرن، 400 سەبەتێن خوارنێ و نێزیكی 500 خانیان ژلایێ دەزگەهێ خێرخوازی یێ بارزانی هاتینە پاقژكرن و خوارنێ گەرم ژی ل سەر 826 خێزانان هاتینە پارڤەكرن.
هەروەسا ب بریارا سەروك بارزانی ل رۆژا 22-3-2024 ل دومیز و سێمێلێ هاریكاریێن دراڤی ل سەر 134 خێزانێن زیانڤێكەڤتیێن لەهیان هاتنە بەلافكرن و كۆژمێ زێدەتری 80 ملیۆن دیناران ل سەر وان هاتنە بەلاڤكرن، هەر خێزانەكێ ل گۆڕەی قەبارێ زیانێن وان.
ب سەرپەرشتیا د.نەوزاد عەبدوللا بەرپرسێ لقێ ئێك یێ پارتی، د رێورەسمەكێ دا 68 خێزان ل دومیز و 46 خێزان ل سێمێلێ یێن مالێن وان د ڤان سێ رۆژێن بوری دا بەر ب لەهیان كەتین هاتنە قەرەبووكرن. هەروەسا لژنەیەك ژ باژێرڤانیێن پارێزگەها دهۆكێ و چەند لایەنێن پەیوەندیدار هاتینە پێكئینان بۆ خەملاندنا زیانێن لەهیان و بڕیارە د چەند قۆناغان دا بهێنە دابەشكرن و ئەڤ هاریكارە بگەهنە وان كەسێن بەر ب لەهیان كەڤتین.
پارێزگارێ دهۆكێ ژی دیاركر، پرۆسەیا قەرەبووكرنا زیانڤێكەڤتییێن لەهیێن حەفتیا بووری یا بەردەوامە، هەتا نوكە 352 خۆدان خانی هاتینە قەرەبووكرن.
د. عەلی تەتەر پارێزگارێ دهۆكێ ئاشكراكر، هەر ئێك ژ سەرۆك بارزانی و مەسرور بارزانی سەرۆكێ حكومەتا هەرێما كوردستانێ فەرمان كریە، د زووترین دەمدا زیانڤێكەڤتیێن لەهیێن دهۆكێ بهێنە قەرەبووكرن، هەتا نوكە 352 خۆدان خانی هاتینە قەرەبووكرن و د پلانێن واندایە هەتا بەری جەژنێ هەموو زیانڤێكەڤتی قەرەبوویێ وەربگرن.
